Sufinama

muddat huī hai yar ko mehmāñ kiye hue

Mirza Ghalib

muddat huī hai yar ko mehmāñ kiye hue

Mirza Ghalib

MORE BYMirza Ghalib

    muddat huī hai yaar ko mehmāñ kiye hue

    josh-e-qadah se bazm charāġhāñ kiye hue

    kartā huuñ jam.a phir jigar-e-laḳht-laḳht ko

    arsa huā hai dāvat-e-mizhgāñ kiye hue

    phir vaz-e-ehtiyāt se rukne lagā hai dam

    barsoñ hue haiñ chaak garebāñ kiye hue

    phir garm-nāla-hā-e-sharar-bār hai nafas

    muddat huī hai sair-e-charāġhāñ kiye hue

    phir pursish-e-jarāhat-e-dil ko chalā hai ishq

    sāmān-e-sad-hazār namak-dāñ kiye hue

    phir bhar rahā huuñ ḳhāma-e-mizhgāñ ba-ḳhūn-e-dil

    sāz-e-chaman tarāzi-e-dāmāñ kiye hue

    bāham-digar hue haiñ dil o diida phir raqīb

    nazzāra o ḳhayāl sāmāñ kiye hue

    dil phir tavāf-e-kū-e-malāmat ko jaa.e hai

    pindār sanam-kada vīrāñ kiye hue

    phir shauq kar rahā hai ḳharīdār talab

    arz-e-matā-e-aql-o-dil-o-jāñ kiye hue

    dauḌe hai phir har ek gul-o-lāla par ḳhayāl

    sad-gulistāñ nigāh sāmāñ kiye hue

    phir chāhtā huuñ nāma-e-dildār kholnā

    jaañ nazr-e-dil-farebi-e-unvāñ kiye hue

    māñge hai phir kisī ko lab-e-bām par havas

    zulf-e-siyāh ruḳh pe pareshāñ kiye hue

    chāhe hai phir kisī ko muqābil meñ aarzū

    surme se tez dashna-e-mizhgāñ kiye hue

    ik nau-bahār-e-nāz ko taake hai phir nigāh

    chehra faroġh-e-mai se gulistāñ kiye hue

    phir meñ hai ki dar pe kisī ke paḌe raheñ

    sar zer-bār-e-minnat-e-darbāñ kiye hue

    DhūñDtā hai phir vahī fursat ki raat din

    baiThe raheñ tasavvur-e-jānāñ kiye hue

    'ġhālib' hameñ na chheḌ ki phir josh-e-ashk se

    baiThe haiñ ham tahayya-e-tūfāñ kiye hue

    muddat huī hai yar ko mehmāñ kiye hue

    josh-e-qadah se bazm charāġhāñ kiye hue

    kartā huñ jama phir jigar-e-laḳht-laḳht ko

    arsa huā hai dāwat-e-mizhgāñ kiye hue

    phir waz-e-ehtiyāt se rukne lagā hai dam

    barsoñ hue haiñ chaak garebāñ kiye hue

    phir garm-nāla-hā-e-sharar-bār hai nafas

    muddat huī hai sair-e-charāġhāñ kiye hue

    phir pursish-e-jarāhat-e-dil ko chalā hai ishq

    sāmān-e-sad-hazār namak-dāñ kiye hue

    phir bhar rahā huñ ḳhāma-e-mizhgāñ ba-ḳhūn-e-dil

    sāz-e-chaman tarāzi-e-dāmāñ kiye hue

    bāham-digar hue haiñ dil o dida phir raqīb

    nazzāra o ḳhayāl sāmāñ kiye hue

    dil phir tawāf-e-kū-e-malāmat ko jae hai

    pindār sanam-kada wīrāñ kiye hue

    phir shauq kar rahā hai ḳharīdār talab

    arz-e-matā-e-aql-o-dil-o-jāñ kiye hue

    dauḌe hai phir har ek gul-o-lāla par ḳhayāl

    sad-gulistāñ nigāh sāmāñ kiye hue

    phir chāhtā huñ nāma-e-dildār kholnā

    jañ nazr-e-dil-farebi-e-unwāñ kiye hue

    māñge hai phir kisī ko lab-e-bām par hawas

    zulf-e-siyāh ruḳh pe pareshāñ kiye hue

    chāhe hai phir kisī ko muqābil meñ aarzū

    surme se tez dashna-e-mizhgāñ kiye hue

    ek nau-bahār-e-nāz ko take hai phir nigāh

    chehra faroġh-e-mai se gulistāñ kiye hue

    phir meñ hai ki dar pe kisī ke paḌe raheñ

    sar zer-bār-e-minnat-e-darbāñ kiye hue

    DhūñDtā hai phir wahī fursat ki raat din

    baiThe raheñ tasawwur-e-jānāñ kiye hue

    'ġhālib' hameñ na chheḌ ki phir josh-e-ashk se

    baiThe haiñ hum tahayya-e-tūfāñ kiye hue

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY