na mujhse chhuTega un ka daman na mujhko bhulega nam-e-ashraf

na mujh se chhūTegā un kā dāman na mujh ko bhūlegā nām-e-ashraf

maiñ banda-e-be-diram huuñ un kā azal se huuñ maiñ ġhulām-e-ashraf

maiñ un kī mid.hat bayāñ karūñ kyā ki saare aalam meñ hai ye shohrat

mujaddid-e-vaqt thā jahāñ meñ buland-tar hai maqām-e-ashraf

unhīñ kī mahbūbiyat kā nā'ra-e-malā.ika ne falak pe maarā

zamīñ hī ye shān-e-ġhaus-e-a.alam falak pe vo ehtirām-e-ashraf

janāb ke vālid mua'zzam ne ḳhvāb meñ dekhā ki mustafā

ye dī bashārat ki ham ne rakhā hai naam un kā banām-e-ashraf

zamīñ pe rauza hai yā falak par kuchh us kī rif.at pe kah rahī hai

koī falak kā hai ye jo TukḌā jahāñ banā hai maqām-e-ashraf

jo vahdat-e-ābād jā-e-ḳhalvat to kasrat-e-ābād jā-e-jalvat

kahīñ hai vahdat kahīñ hai kasrat ajab hai dilkash nizām-e-ashraf

jo rūh-e-ābād jā ke dekho to sair-e-rūhī kā lutf aa.e

jo baiTho dār-ul-amāñ meñ jā kar to paao daañ faiz-e-ām-e-ashraf

bane jahāñgīr ġhaus-e-'ālam jahāñ ke auliyā ke afsar

valī zamāne ke zer-e-farmāñ mutī.a-e-ahkām-e-ām-e-ashraf

kisī ne tārīḳh arsh-e-akbar banā-e-rauza kī kHuub likhī

hamārī nazroñ se koī dekhe falak se bālā-e-bām-e-ashraf

adālat-e-sub.h-o-shām dekhe jo koī darbār-e-ashrafī meñ

to bol uThe ki allāhu allāhu ajiib hai intizām-e-ashraf

kahīñ to janāb jal rahe haiñ kahīñ kHabbā.is taḌap rahe haiñ

kisī ke sar boltā hai jaadū likhūñ maiñ kyā faiz-e-ilam-e-ashraf

charāġh rauza se le ke kājal lagā.eñ āñkhoñ meñ apne a.amā

to āñkheñ ho jaa.eñ un kī raushan ye hai karāmāt-e-ām-e-ashraf

ye chashma-e-nayyar gard-e-rauza bāb-e-shifā-o-sāf jaarī

marīz piite hī hoeñ achchhe ayaañ ye faiz-e-ām-e-ashraf

savāro kaa.ī ko nayyar ke bhī ḳhudā ne baḳhshī hai ye karāmat

ki har maraz kī yahī davā hai banā hai har ik ġhulām-e-ashraf

ye ḳhāk-e-rauza meñ hai tasarruf ki jis ko lete haiñ ahl-e-hājat

marīz achchhe hoñ jis se lākhoñ ajab hai ye faiz-e-ām-e-ashraf

zamīñ se tā-āsmāñ jo dekhā ajiib qudrat kā hai tamāsha

yahāñ zamīn par vahāñ falak par khaḌe hue haiñ ḳhiyām-e-ashraf

ummīd-e-luft-o-karam pe tere maiñ arz-e-hājat jo kar rahā huuñ

kaaro tavajjoh zarā idhar bhī ki le rahā huuñ maiñ nām-e-ashraf

ghuse jo gustākH-o-be-adab tumhāre darbār-e-bā-safā meñ

nikālnā jald us ko hazrat karegā badnām nām-e-ashraf

adab se jis ne ki ruḳh ko pherā ġhazab kā muñh par lagā tamāñcha

jalāl-o-jabrūt shah kā dekho ajab hai 'ālī-maqām-e-ashraf

agar kisī tālib-e-ḳhudā par zarā tavajjoh huī to hardam

kahegā mad.hosh kar chukā hai mujhe do-a.alam se jām-e-ashraf

bhalā.ī koī ashrafī se pūche ki shaah 'ashrafī' kī shaan kyā hai

kahegā vahm-o-gumāñ se mere buland hai ehtishām-e-ashraf

na mujh se chhuTega un ka daman na mujh ko bhulega nam-e-ashraf

main banda-e-be-diram hun un ka azal se hun main ghulam-e-ashraf

main un ki midhat bayan karun kya ki sare aalam mein hai ye shohrat

mujaddid-e-waqt tha jahan mein buland-tar hai maqam-e-ashraf

unhin ki mahbubiyat ka na'ra-e-malaika ne falak pe mara

zamin hi ye shan-e-ghaus-e-alam falak pe wo ehtiram-e-ashraf

janab ke walid mua'zzam ne KHwab mein dekha ki mustafa

ye di bashaarat ki hum ne rakha hai nam un ka banam-e-ashraf

zamin pe rauza hai ya falak par kuchh us ki rifat pe kah rahi hai

koi falak ka hai ye jo TukDa jahan bana hai maqam-e-ashraf

jo wahdat-e-abaad ja-e-KHalwat to kasrat-e-abaad ja-e-jalwat

kahin hai wahdat kahin hai kasrat ajab hai dilkash nizam-e-ashraf

jo ruh-e-abaad ja ke dekho to sair-e-ruhi ka lutf aae

jo baiTho dar-ul-aman mein ja kar to pao dan faiz-e-am-e-ashraf

bane jahangir ghaus-e-'alam jahan ke auliya ke afsar

wali zamane ke zer-e-farman mutia-e-ahkaam-e-am-e-ashraf

kisi ne tariKH arsh-e-akbar bana-e-rauza ki kHub likhi

hamari nazron se koi dekhe falak se baala-e-baam-e-ashraf

adalat-e-subh-o-sham dekhe jo koi darbar-e-ashrafi mein

to bol uThe ki allahu allahu ajib hai intizam-e-ashraf

kahin to janab jal rahe hain kahin kHabbais taDap rahe hain

kisi ke sar bolta hai jadu likhun main kya faiz-e-ilam-e-ashraf

charagh rauza se le ke kajal lagaen aankhon mein apne aama

to aankhen ho jaen un ki raushan ye hai karamat-e-am-e-ashraf

ye chashma-e-nayyar gard-e-rauza bab-e-shifa-o-saf jari

mariz pite hi hoen achchhe ayan ye faiz-e-am-e-ashraf

sawaro kai ko nayyar ke bhi KHuda ne baKHshi hai ye karamat

ki har maraz ki yahi dawa hai bana hai har ek ghulam-e-ashraf

ye KHak-e-rauza mein hai tasarruf ki jis ko lete hain ahl-e-hajat

mariz achchhe hon jis se lakhon ajab hai ye faiz-e-am-e-ashraf

zamin se ta-asman jo dekha ajib qudrat ka hai tamasha

yahan zamin par wahan falak par khaDe hue hain KHiyam-e-ashraf

ummid-e-luft-o-karam pe tere main arz-e-hajat jo kar raha hun

karo tawajjoh zara idhar bhi ki le raha hun main nam-e-ashraf

ghuse jo gustakH-o-be-adab tumhaare darbar-e-ba-safa mein

nikalna jald us ko hazrat karega badnam nam-e-ashraf

adab se jis ne ki ruKH ko phera ghazab ka munh par laga tamancha

jalal-o-jabrut shah ka dekho ajab hai 'ali-maqam-e-ashraf

agar kisi talib-e-KHuda par zara tawajjoh hui to hardam

kahega madhosh kar chuka hai mujhe do-alam se jam-e-ashraf

bhalai koi ashrafi se puche ki shah 'ashrafi' ki shan kya hai

kahega wahm-o-guman se mere buland hai ehtisham-e-ashraf