sab khul gaya tilism jahan ka jo raaz tha

sab khul gayā tilism jahāñ kā jo raaz thā

jis parde ko uThāyā vahī parda-sāz thā

mahmūd isī sabab se ġhulām-e-ayāz thā

is bande ke libās meñ banda-navāz thā

kah deñ jo ’ishq-e-lailā-o-majnūñ kā raaz thā

parda kushā.e roye haqīqat majāz thā

shab ko 'ajīb yaar se rāz-o-niyāz thā

maiñ mahv thā niyāz meñ vo mast-e-nāz thā

aatī thī ḳhaak hazrat mansūr se sadā

ye mard sarfarosh 'ajab sarfarāz thā

maiñ thā huzūr yaar huī jab azān-e-sub.h

paḌhtā namāz kaun ki vaqt-e-niyāz thā

apnī shab-e-firāq basar hoga.ī 'nisār'

aisā darāz qissa-e-zulf-e-darāz thā

sab khul gaya tilism jahan ka jo raaz tha

jis parde ko uThaya wahi parda-saz tha

mahmud isi sabab se ghulam-e-ayaz tha

is bande ke libas mein banda-nawaz tha

kah den jo ’ishq-e-laila-o-majnun ka raaz tha

parda kushae roye haqiqat majaz tha

shab ko 'ajib yar se raaz-o-niyaz tha

main mahw tha niyaz mein wo mast-e-naz tha

aati thi KHak hazrat mansur se sada

ye mard sarfarosh 'ajab sarfaraaz tha

main tha huzur yar hui jab azan-e-subh

paDhta namaz kaun ki waqt-e-niyaz tha

apni shab-e-firaq basar hogai 'nisar'

aisa daraaz qissa-e-zulf-e-daraaz tha