Sufinama

nukta-chīñ hai ġham-e-dil usko sunāe na bane

Mirza Ghalib

nukta-chīñ hai ġham-e-dil usko sunāe na bane

Mirza Ghalib

MORE BYMirza Ghalib

    nukta-chīñ hai ġham-e-dil us ko sunā.e na bane

    kyā bane baat jahāñ baat banā.e na bane

    maiñ bulātā to huuñ us ko magar ai jazba-e-dil

    us pe ban jaa.e kuchh aisī ki bin aa.e na bane

    khel samjhā hai kahīñ chhoḌ na de bhuul na jaa.e

    kaash yuuñ bhī ho ki bin mere satā.e na bane

    ġhair phirtā hai liye yuuñ tire ḳhat ko ki agar

    koī pūchhe ki ye kyā hai to chhupā.e na bane

    is nazākat burā ho vo bhale haiñ to kyā

    haath aaveñ to unheñ haath lagā.e na bane

    kah sake kaun ki ye jalvagarī kis hai

    parda chhoḌā hai vo us ne ki uThā.e na bane

    maut raah na dekhūñ ki bin aa.e na rahe

    tum ko chāhūñ ki na aao to bulā.e na bane

    bojh vo sar se girā hai ki uThā.e na uThe

    kaam vo aan paḌā hai ki banā.e na bane

    ishq par zor nahīñ hai ye vo ātish 'ġhālib'

    ki lagā.e na lage aur bujhā.e na bane

    nukta-chīñ hai ġham-e-dil us ko sunāe na bane

    kyā bane baat jahāñ baat banāe na bane

    maiñ bulātā to huñ us ko magar ai jazba-e-dil

    us pe ban jae kuchh aisī ki bin aae na bane

    khel samjhā hai kahīñ chhoḌ na de bhul na jae

    kash yuñ bhī ho ki bin mere satāe na bane

    ġhair phirtā hai liye yuñ tere ḳhat ko ki agar

    koī pūchhe ki ye kyā hai to chhupāe na bane

    is nazākat burā ho wo bhale haiñ to kyā

    hath aaweñ to unheñ hath lagāe na bane

    kah sake kaun ki ye jalwagarī kis hai

    parda chhoḌā hai wo us ne ki uThāe na bane

    maut rah na dekhūñ ki bin aae na rahe

    tum ko chāhūñ ki na aao to bulāe na bane

    bojh wo sar se girā hai ki uThāe na uThe

    kaam wo aan paḌā hai ki banāe na bane

    ishq par zor nahīñ hai ye wo ātish 'ġhālib'

    ki lagāe na lage aur bujhāe na bane

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now