muwahhid hun main kyun mahw-e-jamal-e-ma-siwa hota

muvahhid huuñ maiñ kyuuñ mahv-e-jamāl-e-mā-sivā hotā

nazar mil bhī ga.ī hotī to mushrik ho gayā thā

agar hadd-e-kHudī-o-be-kHudī se māvarā hotā

to ye insān phir insān kyuuñ hotā ḳhudā hotā

maiñ rif.at kī hazāroñ manzileñ tai kar chukā hotā

agar merī ḳhushī par zindagī kā faisla hotā

vafā hotī na jurm ā.īn-e-ulfat meñ to kyā hotā

gunahgār-e-vafā phir bhī gunahgār-e-vafā hotā

ḳhamoshī par mirī duniyā meñ shorish hai qiyāmat kī

ḳhudā-nā-kHvāsta lab khul ga.e hote to kyā hotā

mujhe marnā nahīñ aatā mujhe 'sīmāb' kahte haiñ

jo barzaḳh bhī badal jaatā mirā to kīmiyā hotā

muwahhid hun main kyun mahw-e-jamal-e-ma-siwa hota

nazar mil bhi gai hoti to mushrik ho gaya tha

agar hadd-e-kHudi-o-be-kHudi se mawara hota

to ye insan phir insan kyun hota KHuda hota

main rifat ki hazaron manzilen tai kar chuka hota

agar meri KHushi par zindagi ka faisla hota

wafa hoti na jurm aain-e-ulfat mein to kya hota

gunahgar-e-wafa phir bhi gunahgar-e-wafa hota

KHamoshi par meri duniya mein shorish hai qiyamat ki

KHuda-na-kHwasta lab khul gae hote to kya hota

mujhe marna nahin aata mujhe 'simab' kahte hain

jo barzaKH bhi badal jata mera to kimiya hota