mujhe gham-zada dekh kar wo ye bole

mujhe ġham-zada dekh kar vo ye bole

hamārā hai to be-sahārā nahīñ hai

ho rusvā.ī merī merī aañkh nam ho

mere yaar ko ye gavārā nahīñ hai

tumheñ vāsta ibn-e-maulā 'alī kā

ḳhudārā mirī iltijā sun lo aaqā

na karnā judā apne qadmoñ se mujh ko

mirā aur kahīñ bhī guzārā nahīñ hai

sag-e-dar tumhārā ho kis dar pe jā.ūñ

kahāñ jā ke maiñ haal apnā sunā.ūñ

'alāva vo tumhāre kisī dar pe maiñ ne

kabhī apnā dāman pasāre nahīñ hai

bhram merā rakhā hai tum ne yahāñ par

mirī laaj rakh liije aaqā vahāñ par

tumhīñ mere maavā ho maljā tumhīñ ho

mirā aur koī sahārā nahīñ hai

yaqīnan tumheñ vasl-e-mahbūb hogā

magar jazba-e-'ishq meñ kuchh kamī hai

'farāz' imtihāñ aur dene paḌeñge

abhī is nazar kā ishāra nahīñ hai

mujhe gham-zada dekh kar wo ye bole

hamara hai to be-sahaara nahin hai

ho ruswai meri meri aankh nam ho

mere yar ko ye gawara nahin hai

tumhein wasta ibn-e-maula 'ali ka

KHudara meri iltija sun lo aaqa

na karna juda apne qadmon se mujh ko

mera aur kahin bhi guzara nahin hai

sag-e-dar tumhaara ho kis dar pe jaun

kahan ja ke main haal apna sunaun

'alawa wo tumhaare kisi dar pe main ne

kabhi apna daman pasare nahin hai

bhram mera rakha hai tum ne yahan par

meri laj rakh lije aaqa wahan par

tumhin mere mawa ho malja tumhin ho

mera aur koi sahaara nahin hai

yaqinan tumhein wasl-e-mahbub hoga

magar jazba-e-'ishq mein kuchh kami hai

'faraaz' imtihan aur dene paDenge

abhi is nazar ka ishaara nahin hai