uske rukH-e-sabih par zulfen mushk-fam do

us ke rukH-e-sabīh par zulfeñ mushk-fām do

qudrat-e-haq ye dekhiye ek sahr hai shaam do

kā'ba-o-'arsh bhī maqām us ko mile haiñ do maqām

baada hai ek jaam do ek havā hai jaam do

ek hadīs-e-mustafā dūsrā mus.haf-e-ḳhudā

diin ke liye haiñ rahnumā kaafī haiñ ye kalām do

haq ne use kiyā salām us ne hameñ diyā salām

ham ne bhī le liyā salām shauq se ye salām do

maz.har-e-nūr-e-kibriyā koī nahīñ tire sivā

teġh jab ek ho bhalā us ke hoñ kab niyām do

ek nabī ke haath se ek 'alī ke haath se

kausar-e-salsabīl ke ham ko mileñge jaam do

kyā hī hasan husain kā husn dekh lo zarā

merī to āñkhoñ kī ziyā putliyāñ haiñ imaam do

aaj 'shahīd'-e-be-navā paḌhtā hai nā't-e-mustafā

jam' hoñ ḳhās-o-'ām do sab ko yahī payām do

us ke rukH-e-sabih par zulfen mushk-fam do

qudrat-e-haq ye dekhiye ek sahr hai sham do

ka'ba-o-'arsh bhi maqam us ko mile hain do maqam

baada hai ek jam do ek hawa hai jam do

ek hadis-e-mustafa dusra mushaf-e-KHuda

din ke liye hain rahnuma kafi hain ye kalam do

haq ne use kiya salam us ne hamein diya salam

hum ne bhi le liya salam shauq se ye salam do

mazhar-e-nur-e-kibriya koi nahin tere siwa

tegh jab ek ho bhala us ke hon kab niyam do

ek nabi ke hath se ek 'ali ke hath se

kausar-e-salsabil ke hum ko milenge jam do

kya hi hasan husain ka husn dekh lo zara

meri to aankhon ki ziya putliyan hain imam do

aaj 'shahid'-e-be-nawa paDhta hai na't-e-mustafa

jam' hon KHas-o-'am do sab ko yahi payam do