ai dil sada us sham ka parwana ho parwana ho

ai dil sadā us sham' kā parvāna ho parvāna ho

us nav bahār-e-husn kā dīvāna ho dīvāna ho

merī taraf sāġhar ba-kaf aatā hai vo mast-e-hayā

ai dil takalluf bartaraf mastāna ho mastāna ho

jaarī rakhegā kab talak rasm-e-javā-o-jaur kuuñ

ai mānī-e-har jān-o-dil jānāna ho jānāna ho

is vaqt pītam kī nigah kartī hai mashq-e-dilbarī

ye aan ġhaflat kī nahīñ farzāna ho farzāna ho

'ālam meñ tujh kuuñ ai 'valī' hai fikr-e-jamī'at agar

har dam ḳhayāl-e-yār suuñ ham-ḳhāna ho ham-ḳhāna ho

ai dil sada us sham' ka parwana ho parwana ho

us naw bahaar-e-husn ka diwana ho diwana ho

meri taraf saghar ba-kaf aata hai wo mast-e-haya

ai dil takalluf bartaraf mastana ho mastana ho

jari rakhega kab talak rasm-e-jawa-o-jaur kun

ai mani-e-har jaan-o-dil jaanana ho jaanana ho

is waqt pitam ki nigah karti hai mashq-e-dilbari

ye aan ghaflat ki nahin farzana ho farzana ho

'alam mein tujh kun ai 'wali' hai fikr-e-jami'at agar

har dam KHayal-e-yar sun ham-KHana ho ham-KHana ho