Sufinama

yahi wazifa hai aashiqon ka ye hum faqiron ki bhi sada hai

Shah Akbar Danapuri

yahi wazifa hai aashiqon ka ye hum faqiron ki bhi sada hai

Shah Akbar Danapuri

MORE BYShah Akbar Danapuri

    Interesting Fact

    منقبت در شان حضرت سیدنا امیر ابوالعلا

    yahī vazīfa hai āshiqoñ ye ham faqīroñ bhī sadā hai

    girah-kushā-e-do-a.alam 'akbar' hamārā pyārā abul-ola hai

    bahār ke din haiñ bārisheñ haiñ sahāb-e-rahmat baras rahā hai

    maze meñ hai riñd ḳhush hai saaqī ki mai-kada sab bharā puurā hai

    lagī hai aisī lagan kisī se ki marne par bhī na chhuT sakegī

    ye āshiqī dil lagī nahīñ hai jo ham miTe haiñ to dil lagā hai

    kisī ke jalve aarzū hai kisī ke milne hai tamannā

    baḌe maze ye aarzū hai kamāl-e-dil-kash ye mudda.ā hai

    hameñ kaaro qatl shauq se tum dikhāo tīr-e-afagnī ke jauhar

    jo ḳhvāhish ai jaan aap hai vahī hamārā bhī mudda.ā hai

    hamārā qāsid hamārā dil hai banā.eñge nāma-bar usī ko

    havā-e-shauq us ko le uḌegī yahī kabūtar yahī sabā hai

    tirī nigāhoñ ke tiir dil meñ tasalliyoñ sabab hue haiñ

    tirā sitam shān-e-dilbarī hai terī jafā sar-ba-sar vafā hai

    nahīñ hai koī sharīk terā hai yaktā yagāna

    yahī sabaq shaiḳh ne paḌhāyā ḳhudā to bas ek ḳhudā hai

    hai vo bhī ek vaqt aane vaalā khilegā jis din sabhoñ parda

    kaheñge us rose ham butoñ se ki ab bhī tum meñ koī ḳhudā hai

    hamāre dil ne kashish dikhā.ī vahī kashish tumheñ khīñch laa.ī

    karūñ kidhar taraf maiñ sajda ki aaj ujḌā makāñ basā hai

    barastī haiñ nannhī nannhī būñdeñ zamīn tar hai havā hai ThanDī

    chaman hai shādāb baaġh rañgīñ tamām sahrā harā-bharā hai

    mazā hai kyā aisī zindagī ki vo kahīñ aur ham kahīñ haiñ

    uThā.eñ kab tak ye bār-e-furqat hamārā jiine se dam ḳhafā hai

    faqīr aa.e ki shaah aa.e koī ho zāhid ho subū-kash

    hai bāb-e-tauba ye āstāna jahān bhar ke liye khulā hai

    yahī tarāna sunā chaman meñ yahī sadā aa.ī jañgaloñ se

    yahī haiñ ham rindoñ ke bhī na.are ḳhudā pyārā abul-ola hai

    abul-ola hai apnā mashrab yahī hai 'akbar' hamārā maz.hab

    azal ke din se hamāre dil par likhā huā naam abul-ola hai

    yahi wazifa hai aashiqon ka ye hum faqiron ki bhi sada hai

    girah-kusha-e-do-alam 'akbar' hamara pyara abul-ola hai

    bahaar ke din hain barishen hain sahab-e-rahmat baras raha hai

    maze mein hai rind KHush hai saqi ki mai-kada sab bhara pura hai

    lagi hai aisi lagan kisi se ki marne par bhi na chhuT sakegi

    ye aashiqi dil lagi nahin hai jo hum miTe hain to dil laga hai

    kisi ke jalwe ki aarzu hai kisi ke milne ki hai tamanna

    baDe maze ki ye aarzu hai kamal-e-dil-kash ye muddaa hai

    hamein karo qatl shauq se tum dikhao tir-e-afagni ke jauhar

    jo KHwahish ai jaan aap ki hai wahi hamara bhi muddaa hai

    hamara qasid hamara dil hai banaenge nama-bar usi ko

    hawa-e-shauq us ko le uDegi yahi kabutar yahi saba hai

    teri nigahon ke tir dil mein tasalliyon ka sabab hue hain

    tera sitam shan-e-dilbari hai teri jafa sar-ba-sar wafa hai

    nahin hai koi sharik tera tu hi hai yakta tu hi yagana

    yahi sabaq shaiKH ne paDhaya KHuda to bas ek hi KHuda hai

    hai wo bhi ek waqt aane wala khilega jis din sabhon ka parda

    kahenge us rose hum buton se ki ab bhi tum mein koi KHuda hai

    hamare dil ne kashish dikhai wahi kashish tumhein khinch lai

    karun kidhar ki taraf main sajda ki aaj ujDa makan basa hai

    barasti hain nannhi nannhi bunden zamin tar hai hawa hai ThanDi

    chaman hai shadab bagh rangin tamam sahra hara-bhara hai

    maza hai kya aisi zindagi ka ki wo kahin aur hum kahin hain

    uThaen kab tak ye bar-e-furqat hamara jine se dam KHafa hai

    faqir aae ki shah aae koi ho zahid ho ya subu-kash

    hai bab-e-tauba ye aastana jahan bhar ke liye khula hai

    yahi tarana suna chaman mein yahi sada aai jangalon se

    yahi hain hum rindon ke bhi nare KHuda ka pyara abul-ola hai

    abul-ola hai apna mashrab yahi hai 'akbar' hamara mazhab

    azal ke din se hamare dil par likha hua nam abul-ola hai

    Videos
    This video is playing from YouTube

    Videos
    This video is playing from YouTube

    Parwez Alam Qawwal

    Parwez Alam Qawwal

    Source :
    • Book : Jazbat-e-Akbar (Pg. 139)
    • Author :Shah Akbar Danapuri
    • Publication : Agra Akhbar Press, Agra (1915)
    • Edition : First
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY