ye sab tumhaara karam hai aaqa ki baat ab tak bani hui hai

koī salīqa hai aarzū kā na bandagī merī bandagī hai

ye sab tumhārā karam hai aaqā ki baat ab tak banī huī hai

kisī kā ehsān kyuuñ uThā.eñ kisī ko hālāt kyuuñ batā.eñ

tumhīñ se māñgeñge tum hī doge tumhār dar se hī lau lagī hai

tajalliyoñ ke kafīl tum ho murād-e-qalb-e-ḳhalīl tum ho

ḳhudā kī raushan dalīl tum ho ye sab tumhārī hī raushnī hai

tumhīñ ho rūh-e-ravān-e-hastī sukūñ nazar kā diloñ kī mastī

hai do jahāñ kī bahār tum se tumhīñ se phūloñ meñ tāzgī hai

shu.ūr-o-fikr-o-nazar ke da.ave hadd-e-ta.ayyun se baḌh na paa.e

na chhū sake un bulandiyoñ ko jahāñ maqām-e-mohammadī hai

nazar nazar-e-rahmat sarāpā adā adā ġhairat masīhā

zamīr murda bhī jī uThe haiñ jidhar tumhārī nazar uThī hai

amal kī mere asaas kyā hai ba-juz nadāmat ke paas kyā hai

rahe salāmat tumhārī nisbat mirā to ik aasrā yahi hai

atā kiyā mujh ko dard-e-ulfat kahāñ thī ye pur-ḳhatā kī qismat

maiñ is karam ke kahāñ thā qābil huzūr kī banda-parvarī hai

unhī ke dar se ḳhudā milā hai unhīñ se us kā pata chalā hai

vo ā.īna jo ḳhudā-numā hai jamāl-e-husn-e-huzūr hī hai

bashīr kahiye nazīr kahiye unheñ sirāj-e-munīr kahiye

jo sar-basar hai kalām-e-rabbī vo mere aaqā kī zindagī hai

ham apne a.amāl jānte haiñ ham apnī nisbat se kuchh nahīñ haiñ

tumhār dar kī 'azīm nisbat matā-e-azmat banī huī hai

yahī hai ḳhālid asās-e-rahmat yahī hai ḳhālid banā-e-azmat

nabī kā irfān bandagī hai nabī kā irfān zindagī hai

koi saliqa hai aarzu ka na bandagi meri bandagi hai

ye sab tumhaara karam hai aaqa ki baat ab tak bani hui hai

kisi ka ehsan kyun uThaen kisi ko haalat kyun bataen

tumhin se mangenge tum hi doge tumhaar dar se hi lau lagi hai

tajalliyon ke kafil tum ho murad-e-qalb-e-KHalil tum ho

KHuda ki raushan dalil tum ho ye sab tumhaari hi raushni hai

tumhin ho ruh-e-rawan-e-hasti sukun nazar ka dilon ki masti

hai do jahan ki bahaar tum se tumhin se phulon mein tazgi hai

shuur-o-fikr-o-nazar ke dawe hadd-e-tayyun se baDh na pae

na chhu sake un bulandiyon ko jahan maqam-e-mohammadi hai

nazar nazar-e-rahmat sarapa ada ada ghairat masiha

zamir murda bhi ji uThe hain jidhar tumhaari nazar uThi hai

amal ki mere asas kya hai ba-juz nadamat ke pas kya hai

rahe salamat tumhaari nisbat mera to ek aasra yahi hai

ata kiya mujh ko dard-e-ulfat kahan thi ye pur-KHata ki qismat

main is karam ke kahan tha qabil huzur ki banda-parwari hai

unhi ke dar se KHuda mila hai unhin se us ka pata chala hai

wo aaina jo KHuda-numa hai jamal-e-husn-e-huzur hi hai

bashir kahiye nazir kahiye unhen siraj-e-munir kahiye

jo sar-basar hai kalam-e-rabbi wo mere aaqa ki zindagi hai

hum apne aamal jaante hain hum apni nisbat se kuchh nahin hain

tumhaar dar ki 'azim nisbat mata-e-azmat bani hui hai

yahi hai KHalid asas-e-rahmat yahi hai KHalid bana-e-azmat

nabi ka irfan bandagi hai nabi ka irfan zindagi hai