bachae ahl-e-hawas ko KHuda mohabbat se

bachā.e ahl-e-havas ko ḳhudā mohabbat se

ki kam nahīñ hai mohabbat kabhī qiyāmat se

mohabbat aur mohabbat bhī taaj aalam kī

mohabbat aur kHilāf-e-mizāj a.alam kī

jo mā-sivā se gurezāñ ho aas se kyā ulfat

ḳhudā se ġhair-e-ḳhudā ko batāo kyā nisbat

junūn-e-ishq se aql-o-ḳhirad kā naam nahīñ

ġharaz ke bandoñ ko zāt-e-samad se kaam nahīñ

ye dekhte ho ki hai aib hai ye aib hai ye

ḳhatā muaaf mohabbat nahīñ fareb hai ye

mohabbat aur mohabbat huzūr baabā kī

ġharaz kī be-adabī hai havas kī be-bākī

badan pe taar bhī duniyā kā baar hotā hai

vo taaj diin mohabbat shi.ār hotā hai

adab yahī hai mohabbat kā koī naam na le

ye Dar hai ishq havas se kuchh intiqām na le

bachae ahl-e-hawas ko KHuda mohabbat se

ki kam nahin hai mohabbat kabhi qiyamat se

mohabbat aur mohabbat bhi taj aalam ki

mohabbat aur kHilaf-e-mizaj aalam ki

jo ma-siwa se gurezan ho aas se kya ulfat

KHuda se ghair-e-KHuda ko batao kya nisbat

junun-e-ishq se aql-o-KHirad ka nam nahin

gharaz ke bandon ko zat-e-samad se kaam nahin

ye dekhte ho ki hai aib hai ye aib hai ye

KHata muaf mohabbat nahin fareb hai ye

mohabbat aur mohabbat huzur baba ki

gharaz ki be-adabi hai hawas ki be-baki

badan pe tar bhi duniya ka bar hota hai

wo taj din mohabbat shiar hota hai

adab yahi hai mohabbat ka koi nam na le

ye Dar hai ishq hawas se kuchh intiqam na le