karam-e-pir-e-mughan aam hai mai-KHane mein

karam-e-pīr-e-muġhāñ 'aam hai mai-ḳhāne meñ

do-jahāñ ek chhalakte hue paimāne meñ

kal jo maiñ kahtā thā saaqī tire mai-ḳhāne meñ

ik vahī lafz hai mansūr ke afsāne meñ

hosh meñ bhī nahīñ aur hosh se bāhar bhī nahīñ

kaun sī baat hai āḳhir tire dīvāne meñ

hastī-e-dahr hai mauqūf mirī hastī par

sau qiyāmat haiñ nihāñ ik mire miT jaane meñ

zauq-e-takmīl hai ġhālib ġham-e-barbādī par

ek lutf aatā hai ban ban ke bigaḌ jaane meñ

nahīñ asnām to kyā rah gayā kā'be meñ 'zahīn'

ham to kā'be ko uThā laa.e sanam-ḳhāne meñ

karam-e-pir-e-mughan 'am hai mai-KHane mein

do-jahan ek chhalakte hue paimane mein

kal jo main kahta tha saqi tere mai-KHane mein

ek wahi lafz hai mansur ke afsane mein

hosh mein bhi nahin aur hosh se bahar bhi nahin

kaun si baat hai aaKHir tere diwane mein

hasti-e-dahr hai mauquf meri hasti par

sau qiyamat hain nihan ek mere miT jaane mein

zauq-e-takmil hai ghaalib gham-e-barbaadi par

ek lutf aata hai ban ban ke bigaD jaane mein

nahin asnam to kya rah gaya ka'be mein 'zahin'

hum to ka'be ko uTha lae sanam-KHane mein