irshad shah-e-yusuf tum tum nahin ho hum hain

irshād shāh-e-yūsuf tum tum nahīñ ho ham haiñ

ma.arūf har ta.āruf tum tum nahīñ ho ham haiñ

tashrīh-e-ilm-o-irfāñ tafsīr-e-rāz-e-qurāñ

ye nukta-e-tasvvuf tum tum nahīñ ho ham haiñ

tum meñ samā ga.e haiñ is ghar meñ ā.gaye haiñ

mauqūf har tavaqquf tum tum nahīñ ho ham haiñ

mumkin ke ā.īna meñ vājib hai jalva-farmā

be-zid-o-be-takHāluf tum tum nahīñ ho ham haiñ

haiñ tāj-e-dīn bhī ham jān-e-‘zahīn’ bhī ham

vahm-e-dui ta.assuf tum tum nahīñ ho ham haiñ

irshad shah-e-yusuf tum tum nahin ho hum hain

maruf har taaruf tum tum nahin ho hum hain

tashrih-e-ilm-o-irfan tafsir-e-raaz-e-quran

ye nukta-e-taswwuf tum tum nahin ho hum hain

tum mein sama gae hain is ghar mein aagaye hain

mauquf har tawaqquf tum tum nahin ho hum hain

mumkin ke aaina mein wajib hai jalwa-farma

be-zid-o-be-takHaluf tum tum nahin ho hum hain

hain taj-e-din bhi hum jaan-e-‘zahin’ bhi hum

wahm-e-dui tassuf tum tum nahin ho hum hain