Sufinama

na.at

MORE BYRaqim Dehlavi

    aaj din mauluud kaa aayaa rasuul-e-paak kaa

    ra.ng badlaa hai zamii.n kaa aalam-e-aflaak kaa

    ye nasiib allaahu-akbar ye muqaddar KHaak kaa

    sar pe apne jo qadam rakhe rasuul-e-paak kaa

    aaj vo ra.ng-e-jahaa.n hai jo kabhii dekhaa na thaa

    vo zamii.n kaa martaba hai jo nahii.n aflaak kaa

    kuchh ufuq hai nuur-aagii.n kuchh shafaq hai laal laal

    zarra zarra aa.iina hai husn-ruu-e-KHaak kaa

    naGma-e-bulbul kahii.n gul-baa.ng Guncho.n kii kahii.n

    zamzama aamii.n kaa hai GalGala laulaak kaa

    dekh kar vajd-e-sabaa raqs-e-nasiim-e-sub.h-gaah

    tinkaa tinkaa raqs kartaa hai KHas-o-KHaashaak kaa

    aalam-e-duniyaa tamaashaagaah-e-aalam ban gayaa

    sair-gaah-e-qudsiyaa.n hai parda parda KHaak kaa

    ek tutuq hai nuur kaa farsh-e-zamii.n se arsh tak

    saaf aataa hai nazar jalva rasuul-e-paak kaa

    ye tajallii-zaar-e-aalam is liye haq ne kiyaa

    jalva dekhe aap mauluud-e-habiib-e-paak kaa

    is qadar huuro.n kii kasrat hai malaayak kaa hujuum

    band rasta ho gayaa hai arsa-e-aflaak kaa

    sunte hai.n aate hai.n getii par habiib-e-kibriyaa

    haa.n kare nazzaara-e-istiqbaal ahl-e-KHaak kaa

    dekhnaa shaan-o-jalaal-e-aamad-e-shaah-e-umama

    gosha thaame saat hai.n ruuhul-qudus fitraak kaa

    aamad aamad kii KHabar se sarvar-e-kaunain kii

    ra.ng sun kar u.D gayaa chehra se har saffaak kaa

    yaa.n arab me.n khalbalii thii vaa.n ajam me.n zalzala

    gir gayaa nau-shervaa.n kaa ka.ngura imlaak kaa

    u.D gayaa kaafir-nigaahii se Guruur-e-kaafirii

    miT gayaa saaraa Guruur ab diida-e-Garraak kaa

    ab kahaa.n kaafir-adaa.ii abruu-e-KHamdaar me.n

    ab vo kaafir-bal hii niklaa kaakul-e-pechaak kaa

    dil khichaa jaataa hai ek ik kaa madiina kii taraf

    ruKH phiraa jaataa hai ek ik diida-e-bebaak kaa

    kyaa likhe.n husn-e-shamaa.il sarvar-e-kaunain ham

    band hai dam fahm kaa aur haafiza idraak kaa

    aap vo aadam na the jis KHaak se aadam banaa

    nuur-e-haq se thaa banaa paikar rasuul-e-paak kaa

    nuur-e-yaktaa aap the aadaab-e-yaktaa.ii thaa saath

    is liye be-saaya thaa qaamat bhii zaat-e-paak kaa

    dil-kashii suurat me.n aa.nkho.n me.n masiihaa.ii ke taur

    guftuguu me.n vo asar jo kaam de tiryaak kaa

    vasf kiyaa likhne nabii kaa hausla kyaa kilk kaa

    lab nahii.n hiltaa zabaan-e-KHaama-e-chaalaak kaa

    bas zabaan ko rok lo 'raaqim' adab kahtaa hai ye

    vasf KHaaliq jaantaa hai kuchh habiib-e-paak kaa

    aaj din mauluud kaa aayaa rasuul-e-paak kaa

    ra.ng badlaa hai zamii.n kaa aalam-e-aflaak kaa

    ye nasiib allaahu-akbar ye muqaddar KHaak kaa

    sar pe apne jo qadam rakhe rasuul-e-paak kaa

    aaj vo ra.ng-e-jahaa.n hai jo kabhii dekhaa na thaa

    vo zamii.n kaa martaba hai jo nahii.n aflaak kaa

    kuchh ufuq hai nuur-aagii.n kuchh shafaq hai laal laal

    zarra zarra aa.iina hai husn-ruu-e-KHaak kaa

    naGma-e-bulbul kahii.n gul-baa.ng Guncho.n kii kahii.n

    zamzama aamii.n kaa hai GalGala laulaak kaa

    dekh kar vajd-e-sabaa raqs-e-nasiim-e-sub.h-gaah

    tinkaa tinkaa raqs kartaa hai KHas-o-KHaashaak kaa

    aalam-e-duniyaa tamaashaagaah-e-aalam ban gayaa

    sair-gaah-e-qudsiyaa.n hai parda parda KHaak kaa

    ek tutuq hai nuur kaa farsh-e-zamii.n se arsh tak

    saaf aataa hai nazar jalva rasuul-e-paak kaa

    ye tajallii-zaar-e-aalam is liye haq ne kiyaa

    jalva dekhe aap mauluud-e-habiib-e-paak kaa

    is qadar huuro.n kii kasrat hai malaayak kaa hujuum

    band rasta ho gayaa hai arsa-e-aflaak kaa

    sunte hai.n aate hai.n getii par habiib-e-kibriyaa

    haa.n kare nazzaara-e-istiqbaal ahl-e-KHaak kaa

    dekhnaa shaan-o-jalaal-e-aamad-e-shaah-e-umama

    gosha thaame saat hai.n ruuhul-qudus fitraak kaa

    aamad aamad kii KHabar se sarvar-e-kaunain kii

    ra.ng sun kar u.D gayaa chehra se har saffaak kaa

    yaa.n arab me.n khalbalii thii vaa.n ajam me.n zalzala

    gir gayaa nau-shervaa.n kaa ka.ngura imlaak kaa

    u.D gayaa kaafir-nigaahii se Guruur-e-kaafirii

    miT gayaa saaraa Guruur ab diida-e-Garraak kaa

    ab kahaa.n kaafir-adaa.ii abruu-e-KHamdaar me.n

    ab vo kaafir-bal hii niklaa kaakul-e-pechaak kaa

    dil khichaa jaataa hai ek ik kaa madiina kii taraf

    ruKH phiraa jaataa hai ek ik diida-e-bebaak kaa

    kyaa likhe.n husn-e-shamaa.il sarvar-e-kaunain ham

    band hai dam fahm kaa aur haafiza idraak kaa

    aap vo aadam na the jis KHaak se aadam banaa

    nuur-e-haq se thaa banaa paikar rasuul-e-paak kaa

    nuur-e-yaktaa aap the aadaab-e-yaktaa.ii thaa saath

    is liye be-saaya thaa qaamat bhii zaat-e-paak kaa

    dil-kashii suurat me.n aa.nkho.n me.n masiihaa.ii ke taur

    guftuguu me.n vo asar jo kaam de tiryaak kaa

    vasf kiyaa likhne nabii kaa hausla kyaa kilk kaa

    lab nahii.n hiltaa zabaan-e-KHaama-e-chaalaak kaa

    bas zabaan ko rok lo 'raaqim' adab kahtaa hai ye

    vasf KHaaliq jaantaa hai kuchh habiib-e-paak kaa

    Source:

    • Book : Muraqqa'-e-Na'at (Pg. 2)
    • Author : Raqim Dehlavi
    • Publication : Nizam-ul-Matabe, Hyderabad
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY