zamiin-e-karbalaa par kyaa qayaamat kii gha.Dii hogii

zamiin-e-karbalaa par kyaa qayaamat kii gha.Dii hogii

chhurii shabbiir kii gardan pe jis dam chal rahii hogii

kaleja thaam kar piir-e-falak bhii rah gayaa hogaa

kaleje par 'alii akbar ke barchhii jab lagii hogii

mujhe jaane do paanii bhar ke ye 'abbaas kahte the

ka.ii din kii pyaasii hai sakiina ro rahii hogii

luTii hai jaise duniyaa karbalaa me.n ibn-e-haidar kii

kisii mazluum kii duniyaa na duniyaa me.n luTii hogii

jo talvaaro.n ke saa.e me.n hai kas sabt mohammad ne

bashar to kyaa farishto.n se na aisii bandagii hogii

nabii ke saath jab mahshar me.n ummat baKHshavaane ko

husain ibn-e-'alii aa.e.nge duniyaa dekhtii hogii

hamaare KHuun ke badle me.n ummat baKHsh de yaa-rab

KHudaa se hashr me.n ye iltijaa shabbiir kii hogii

ba.De Gam-KHvaar hai.n vo Gam na kar baKHshish kaa ai 'purnam'

karam se panjtan ke hashr me.n baKHshish tirii hogii

zamiin-e-karbalaa par kyaa qayaamat kii gha.Dii hogii

chhurii shabbiir kii gardan pe jis dam chal rahii hogii

kaleja thaam kar piir-e-falak bhii rah gayaa hogaa

kaleje par 'alii akbar ke barchhii jab lagii hogii

mujhe jaane do paanii bhar ke ye 'abbaas kahte the

ka.ii din kii pyaasii hai sakiina ro rahii hogii

luTii hai jaise duniyaa karbalaa me.n ibn-e-haidar kii

kisii mazluum kii duniyaa na duniyaa me.n luTii hogii

jo talvaaro.n ke saa.e me.n hai kas sabt mohammad ne

bashar to kyaa farishto.n se na aisii bandagii hogii

nabii ke saath jab mahshar me.n ummat baKHshavaane ko

husain ibn-e-'alii aa.e.nge duniyaa dekhtii hogii

hamaare KHuun ke badle me.n ummat baKHsh de yaa-rab

KHudaa se hashr me.n ye iltijaa shabbiir kii hogii

ba.De Gam-KHvaar hai.n vo Gam na kar baKHshish kaa ai 'purnam'

karam se panjtan ke hashr me.n baKHshish tirii hogii