حق جلوہ گرزطرز و بیان محمد است

1. محمد کے طرز وبیان سے حق ظاہر ہوتا ہے۔ کلام حق تعالیٰ آپ کی ہی زبان مبارک سے ظاہر ہے (یعنی وحی الٰہی امت کے افراد آپ کی زبان سے ہی سنتے تھے، اور کسی کو جبرئیل امین کی آواز سنائی نہیں دیتی تھی۔ آپ کی حق بیانی کی اس سے بڑی دلیل کوئی اور نہیں ہوسکتی)۔

2. آفتاب تو آپ کے پرتو حسن کا آئینہ دار ہے ۔اللہ تعالیٰ کی شان محمد کی شان سے ظاہر ہوتی ہے (یعنی شان محمد اتنی عظیم ہے تو ان کے خالق کی شان کتنی اعلی ہوگی۔

3. قضا کا تیر بہر حال اللہ تعالیٰ کے ترکش میں ہے لیکن ااس کی ۔(تیر کا چھوٹنا) محمد کے کمال سے ہوتی ہے۔ (شاعر کا مقصود یہ ہے کہ تقدیر کے فیصلے نبی کے اشارے پر ہوتے ہیں یا آپ کی رائے سے۔ یہاں قضا یعنی تقدیر سے قضائے معلق بھی مراد لی جاسکتی ہے اگر قضائے مبرم (جو بدلتی نہیں ہے) مراد لی جائے تو مفہوم یہ ہو گا کہ آپ فیصلۂ خداوندی سے راضی اوراس سے واقف ہیں۔ بہر صورت شاعر کا مقصود یہ نہیں ہے کہ آپ کا فیصلہ اور مرضی اللہ تعالیٰ کے فیصلے پر غالب ہے)۔

4. ہرشخص اپنے پیاروں اور عزیزوں کی قسم کھاتا ہے اللہ تعالیٰ محمد کی جان کی قسم کھاتا ہے (یعنی محمد اللہ کے پیارے ہیں اس لیے اللہ نے قرآن میں ان کی جان کی قسم کھائی ہے۔ الفاظ یہ ہیں العمر لک آپ کی زندگی کی قسم)۔

5. واعظ نے بھی سایۂ طوبی کی بات چھوڑ دی کیوں کہ یہاں تو محمد کے سرورواں یعنی سرو کے جیسے قدو قامت کا ذکر ہے جس کے سامنے طوبی کی خوش قامتی بھی ہیچ ہے۔

6. غالب ! آنحضور خواجۂ عالم کی مدح و ثنا میں نے اللہ پر چھوڑی (یعنی مین ان کی تعریف کا حق ادا کرنے سے عاجز ہوں) کیوں کہ وہی ذات پاک محمد کی مرتبہ شناس ہے۔