محمد آبروئے دلبرانست

1. محمد معشوق کی آبرو ہیں۔ یعنی حسینوں کے زلف کی آب ان ہی سے قائم ہے۔

2. وفور شوق میں نرگس کی طرح میری آنکھیں دیکھ رہی کہ محمد سے ہی گلوں کو رنگینی اور چمن کو خوشبو حاصل ہے۔

3. اللہ تعالیٰ جب عارفوں کے دلوں پر تجلی فرماتا ہے (اور وہ تجلی کی تاب نہ لاکر جذب ومستی کے عالم میں راہ شریعت سے ہٹنے لگتے ہیں) تو محمد ہی عارفوں کا ہوش وگوش بن جاتے ہیں (یعنی ان کو سنبھالتے ہیں اور اپنی تو جہات روحانی سے افاضہ فرماتے ہیں تو عارف ثابت قدم ہوجاتا ہے مقامات سلوک میں)۔

4. دنیا میں آپ کے سوا کوئی چیز ظاہر وموجود نہیں ہے اور جو کچھ ہے وہ محض وہم وگمان ہے (کیونکہ آپ کے نور سے ساری چیزوں کو وجود حاصل ہوا، تو اصل آپ ہی کی ذات اور آپ کا وجود ہوا، دوسروں کے وجود آپ کے وجود مبارک کے عکس وپرتو ہیں)۔

5. نصر کے جسم کی طرح جب دونوں عالم قالب ہوئے تو ان کے درمیان محمد مثل روح ہوئے (یعنی جب کائنات کا بود ونمود، آپ ہی کی وجہ سے ہے تو اس کائنات ارض و سما میں آپ کی حیثیت جسم میں جان کی طرح ہوئی)۔