vo sadaa.e.n detaa rahaa ho mai.n ne sunaa na ho kahii.n yuu.n na ho

vo sadaa.e.n detaa rahaa ho mai.n ne sunaa na ho kahii.n yuu.n na ho

mujhe lag rahaa ho judaa magar vo judaa na ho kahii.n yuu.n na ho

nahii.n ko.ii raaz-e-yagaa.ngii nahii.n ko.ii saaz-e-fasaa.ngii

magar ek saaz-e-fasaana raaz-e-yagaana ho kahii.n yuu.n na ho

mai.n samajhtaa huu.n use KHush-nasiib ko.ii chuumtaa hai agar saliib

ki ye saaz-e-marg hii zindagii kaa taraana ho kahii.n yuu.n na ho

mai.n diyaa-salaa.ii kii raushnii me.n talaash kartaa rahaa tumhe.n

magar apnaa maqsad a.ndherii raat bataanaa ho kahii.n yuu.n na ho

mai.n tumhaare 'ishq me.n raat-din jo dikhaa.ii detaa huu.n mutma.in

miraa ghar hii sirf luTaa ho dil to luTaa na ho kahii.n yuu.n na ho

vo shumaar-e-maah-o-nujuum ho ki KHumaar-e-tark-e-rusuum ho

ko.ii baar soch-bichaar hii kaa pa.Daa na ho kahii.n yuu.n na ho

kisii ho.nT se ko.ii ras mile ko.ii dam farishta-nafas mile

vo milaa bhii ho to mujhe dobaara milaa na ho kahii.n yuu.n na ho

tire paa.nv chhuutii vo saa'ate.n vo taGayyuraat kii sabqate.n

kisii pul kaa jaise kahii.n bhii ko.ii siraa na ho kahii.n yuu.n na ho

jo hai apne ra.ng me.n sandalii jo hai apne lams me.n maKHmalii

mirii KHalvato.n ko usii ne jaise lubhaanaa ho kahii.n yuu.n na ho

vo asaas-e-’azm se aashnaa vo libaas-e-nazm se ruunumaa

kisii qaafiye yaa radiif se vo khulaa na ho kahii.n yuu.n na ho

ko.ii aabshaar na aab-e-juu kisii aur lahar kii aarzuu

mirii pyaas bujhne kaa aur ko.ii Thikaanaa ho kahii.n yuu.n na ho

kahii.n yuu.n na ho ko.ii pul-siraat ke paar ho miraa muntazir

magar us ko jaa ke udhar talaash kiyaa na ho kahii.n yuu.n na ho

kisii 'iid par yaa basant par vo milegaa 'umr ke ant par

mai.n ye sochtaa huu.n ki ye bhii ko.ii bahaana ho kahii.n yuu.n na ho

vo ufuq ba-nafsii jo kho chukaa ko.ii aaftaab jo so chukaa

unhe.n ra.nj mere akele pan kaa rahaa na ho kahii.n yuu.n na ho

mujhe naaz apne KHayaal par mujhe naaz us ke jamaal par

mai.n samajh rahaa huu.n jise nayaa vo nayaa na ho kahii.n yuu.n na ho

mire dil ke diin ko bech kar ko.ii le gayaa mujhe khii.nch kar

mire a.ng-a.ng me.n apnaa ra.ng jamaanaa ho kahii.n yuu.n na ho

yahii ham-qadam kii hai.n laGzishe.n yahii zer-o-bam kii hai.n larzishe.n

jise bhuulnaa na ho vo hii yaad rahaa na ho kahii.n yuu.n na ho

ko.ii sho'ala saa jo bha.Dak uThaa ko.ii dard saa jo chamak uThaa

mire dard-e-dil kaa ye aa'riza bhii puraanaa ho kahii.n yuu.n na ho

mai.n diye jalaa.uu.n mu.nDer par ki zaruur aa.egaa vo idhar

isii shaam vo kisii aur samt ravaana ho kahii.n yuu.n na ho

kabhii surma.ii kabhii aatishii kabhii nuqra.ii kabhii kaasnii

kisii ek ra.ng me.n rah ke jii hii lagaanaa ho kahii.n yuu.n na ho

kisii farsh-o-’arsh me.n kuchh nahii.n mai.n jhukaa rahaa huu.n yuu.nhii jabii.n

jise Dhuu.nDuu.n mai.n vo qadam hii us ne rakhaa na ho kahii.n yuu.n na ho

hame.n sar-kashii se muqaddaro.n ko badalnaa aayaa nahii.n abhii

magar aisaa karnaa mohabbato.n me.n ravaa na ho kahii.n yuu.n na ho

jo thii kal vo aaj hai zindagii abhii laa-'ilaaj hai zindagii

ki masiih-e-asr ke paas us kii davaa na ho kahii.n yuu.n na ho

vo musavvirii hu.ii shaa'irii kisii kaam aa.e ye saahirii

dil-e-paak-baaz bhii mah-ruKHo.n kaa divaana ho kahii.n yuu.n na ho

shab-e-vasl jalva-e-tuur saa vo badan chamaktaa thaa nuur saa

ko.ii laa-zavaal vafuur-e-ra.ng-e-shabaana ho kahii.n yuu.n na ho

mai.n kahaa.n se laa.uu.n vo zindagii jo saraasar us kii ho bandagii

mirii ruuh kii jo talab hai us kii razaa na ho kahii.n yuu.n na ho

miraa aaKHirat pe to hai yaqii.n kahii.n zahr ho na ye a.ngbii.n

mai.n haqiiqat us ko samajh luu.n aur vo fasaana ho kahii.n yuu.n na ho

ye satiiza-kaarii na ho shuruu.a hai kahaa.n Guruub kahaa.n tuluu.a

jo tiraa zamaana ho vo hii miraa zamaana ho kahii.n yuu.n na ho

mai.n guzar ke aayaa huu.n qabr se ki 'ilaaqa rakhtaa huu.n sabr se

mirii ruuh me.n ko.ii iztiraab-e-fanaa na ho kahii.n yuu.n na ho

ye gurez to zaraa kam karo mirii kaa.inaat me.n ram karo

so garam karo ki dobaara par ye KHalaa na ho kahii.n yuu.n na ho

na suhaag-raat chamak sakii yuu.nhii kasmasaate sahar hu.ii

ko.ii diip gum-shuda thaaliyo.n me.n jalaa na ho kahii.n yuu.n na ho

mujhe us kii shakl dikhaa.ii de na hii apnii shakl dikhaa.ii de

miraa aa.iina mire shiishagar kii 'ataa na ho kahii.n yuu.n na ho

mujh tiira-baKHt kii baat hai ki ye vaqt vaqt kii baat hai

jise yaad kar ke jiyuu.n usii ko bhulaa na ho kahii.n yuu.n na ho

jo hai mere dil kaa mu'aamala jo hai nazm-e-dahr se maa-varaa

kahii.n us ke vaaste harf-e-kun hii kahaa na ho kahii.n yuu.n na ho

vo barahnagii kaa qasiida kahte hue idhar nikal aayaa thaa

magar us kii aa.nkho.n me.n satr-posh hayaa na ho kahii.n yuu.n na ho

na vo yaar thaa na vo daashta mai.n kahaa.n panaah taraashtaa

mujhe le ke dil miraa dar-ba-dar hii phiraa na ho kahii.n yuu.n na ho

sar-e-raah siina nikaaltaa hu.aa aayaa thaa jo vo KHush-nigaah

dil-e-’ishq-KHuu ko vo pur-Guruur lagaa na ho kahii.n yuu.n na ho

ho 'abas yahaa.n use dekhnaa ho 'abas yahaa.n use Dhuu.nDhnaa

miraa yaar mere baGair jii hii sakaa na ho kahii.n yuu.n na ho

vo KHayaal khol ke dekhnaa vo savaal taul ke dekhnaa

ki samajh rahe ho jise KHafaa vo KHafaa na ho kahii.n yuu.n na ho

mirii zindagii tirii bandagii se judaa nahii.n kabhii Gaur kar

mire ijtihaad pe tuu ne Gaur kiyaa na ho kahii.n yuu.n na ho

isii vaaste abhii zinda huu.n ki tumhaaraa chehra hai saamne

ko.ii aur shaKHs mirii nazar me.n jachaa na ho kahii.n yuu.n na ho

vo ko.ii daGaa ko.ii maa'rka vo shujaa’ate.n aur muhaasara

vo ko.ii qadiim rajaz sunaa hii gayaa na ho kahii.n yuu.n na ho

jo 'aziiz jaa.n se hai kaafira use zeb de na munaafira

ye nahii.n ba'iid ki us ko paas-e-vafaa na ho kahii.n yuu.n na ho

tiraa husn asiir na kar sakaa na mai.n tere vaaste mar sakaa

kahii.n meraa saath mire KHudaa ne diyaa na ho kahii.n yuu.n na ho

ko.ii hijratii Gam-e-dahr me.n ho ravaa.n-davaa.n kisii lahar me.n

ko.ii rah rahaa thaa jahaa.n vahaa.n vo rahaa na ho kahii.n yuu.n na ho

vo quruun-e-asl kii saa’ate.n vo junuun-e-vasl kii raahate.n

mire vaaste ho.n mujhe pata hii chalaa na ho kahii.n yuu.n na ho

kisii aur ke liye ho chhupaa ke ha.nsii vo us ne rakhii hu.ii

'zafar' ik mujhii ko hamesha KHuun rulaanaa ho kahii.n yuu.n na ho

vo sadaa.e.n detaa rahaa ho mai.n ne sunaa na ho kahii.n yuu.n na ho

mujhe lag rahaa ho judaa magar vo judaa na ho kahii.n yuu.n na ho

nahii.n ko.ii raaz-e-yagaa.ngii nahii.n ko.ii saaz-e-fasaa.ngii

magar ek saaz-e-fasaana raaz-e-yagaana ho kahii.n yuu.n na ho

mai.n samajhtaa huu.n use KHush-nasiib ko.ii chuumtaa hai agar saliib

ki ye saaz-e-marg hii zindagii kaa taraana ho kahii.n yuu.n na ho

mai.n diyaa-salaa.ii kii raushnii me.n talaash kartaa rahaa tumhe.n

magar apnaa maqsad a.ndherii raat bataanaa ho kahii.n yuu.n na ho

mai.n tumhaare 'ishq me.n raat-din jo dikhaa.ii detaa huu.n mutma.in

miraa ghar hii sirf luTaa ho dil to luTaa na ho kahii.n yuu.n na ho

vo shumaar-e-maah-o-nujuum ho ki KHumaar-e-tark-e-rusuum ho

ko.ii baar soch-bichaar hii kaa pa.Daa na ho kahii.n yuu.n na ho

kisii ho.nT se ko.ii ras mile ko.ii dam farishta-nafas mile

vo milaa bhii ho to mujhe dobaara milaa na ho kahii.n yuu.n na ho

tire paa.nv chhuutii vo saa'ate.n vo taGayyuraat kii sabqate.n

kisii pul kaa jaise kahii.n bhii ko.ii siraa na ho kahii.n yuu.n na ho

jo hai apne ra.ng me.n sandalii jo hai apne lams me.n maKHmalii

mirii KHalvato.n ko usii ne jaise lubhaanaa ho kahii.n yuu.n na ho

vo asaas-e-’azm se aashnaa vo libaas-e-nazm se ruunumaa

kisii qaafiye yaa radiif se vo khulaa na ho kahii.n yuu.n na ho

ko.ii aabshaar na aab-e-juu kisii aur lahar kii aarzuu

mirii pyaas bujhne kaa aur ko.ii Thikaanaa ho kahii.n yuu.n na ho

kahii.n yuu.n na ho ko.ii pul-siraat ke paar ho miraa muntazir

magar us ko jaa ke udhar talaash kiyaa na ho kahii.n yuu.n na ho

kisii 'iid par yaa basant par vo milegaa 'umr ke ant par

mai.n ye sochtaa huu.n ki ye bhii ko.ii bahaana ho kahii.n yuu.n na ho

vo ufuq ba-nafsii jo kho chukaa ko.ii aaftaab jo so chukaa

unhe.n ra.nj mere akele pan kaa rahaa na ho kahii.n yuu.n na ho

mujhe naaz apne KHayaal par mujhe naaz us ke jamaal par

mai.n samajh rahaa huu.n jise nayaa vo nayaa na ho kahii.n yuu.n na ho

mire dil ke diin ko bech kar ko.ii le gayaa mujhe khii.nch kar

mire a.ng-a.ng me.n apnaa ra.ng jamaanaa ho kahii.n yuu.n na ho

yahii ham-qadam kii hai.n laGzishe.n yahii zer-o-bam kii hai.n larzishe.n

jise bhuulnaa na ho vo hii yaad rahaa na ho kahii.n yuu.n na ho

ko.ii sho'ala saa jo bha.Dak uThaa ko.ii dard saa jo chamak uThaa

mire dard-e-dil kaa ye aa'riza bhii puraanaa ho kahii.n yuu.n na ho

mai.n diye jalaa.uu.n mu.nDer par ki zaruur aa.egaa vo idhar

isii shaam vo kisii aur samt ravaana ho kahii.n yuu.n na ho

kabhii surma.ii kabhii aatishii kabhii nuqra.ii kabhii kaasnii

kisii ek ra.ng me.n rah ke jii hii lagaanaa ho kahii.n yuu.n na ho

kisii farsh-o-’arsh me.n kuchh nahii.n mai.n jhukaa rahaa huu.n yuu.nhii jabii.n

jise Dhuu.nDuu.n mai.n vo qadam hii us ne rakhaa na ho kahii.n yuu.n na ho

hame.n sar-kashii se muqaddaro.n ko badalnaa aayaa nahii.n abhii

magar aisaa karnaa mohabbato.n me.n ravaa na ho kahii.n yuu.n na ho

jo thii kal vo aaj hai zindagii abhii laa-'ilaaj hai zindagii

ki masiih-e-asr ke paas us kii davaa na ho kahii.n yuu.n na ho

vo musavvirii hu.ii shaa'irii kisii kaam aa.e ye saahirii

dil-e-paak-baaz bhii mah-ruKHo.n kaa divaana ho kahii.n yuu.n na ho

shab-e-vasl jalva-e-tuur saa vo badan chamaktaa thaa nuur saa

ko.ii laa-zavaal vafuur-e-ra.ng-e-shabaana ho kahii.n yuu.n na ho

mai.n kahaa.n se laa.uu.n vo zindagii jo saraasar us kii ho bandagii

mirii ruuh kii jo talab hai us kii razaa na ho kahii.n yuu.n na ho

miraa aaKHirat pe to hai yaqii.n kahii.n zahr ho na ye a.ngbii.n

mai.n haqiiqat us ko samajh luu.n aur vo fasaana ho kahii.n yuu.n na ho

ye satiiza-kaarii na ho shuruu.a hai kahaa.n Guruub kahaa.n tuluu.a

jo tiraa zamaana ho vo hii miraa zamaana ho kahii.n yuu.n na ho

mai.n guzar ke aayaa huu.n qabr se ki 'ilaaqa rakhtaa huu.n sabr se

mirii ruuh me.n ko.ii iztiraab-e-fanaa na ho kahii.n yuu.n na ho

ye gurez to zaraa kam karo mirii kaa.inaat me.n ram karo

so garam karo ki dobaara par ye KHalaa na ho kahii.n yuu.n na ho

na suhaag-raat chamak sakii yuu.nhii kasmasaate sahar hu.ii

ko.ii diip gum-shuda thaaliyo.n me.n jalaa na ho kahii.n yuu.n na ho

mujhe us kii shakl dikhaa.ii de na hii apnii shakl dikhaa.ii de

miraa aa.iina mire shiishagar kii 'ataa na ho kahii.n yuu.n na ho

mujh tiira-baKHt kii baat hai ki ye vaqt vaqt kii baat hai

jise yaad kar ke jiyuu.n usii ko bhulaa na ho kahii.n yuu.n na ho

jo hai mere dil kaa mu'aamala jo hai nazm-e-dahr se maa-varaa

kahii.n us ke vaaste harf-e-kun hii kahaa na ho kahii.n yuu.n na ho

vo barahnagii kaa qasiida kahte hue idhar nikal aayaa thaa

magar us kii aa.nkho.n me.n satr-posh hayaa na ho kahii.n yuu.n na ho

na vo yaar thaa na vo daashta mai.n kahaa.n panaah taraashtaa

mujhe le ke dil miraa dar-ba-dar hii phiraa na ho kahii.n yuu.n na ho

sar-e-raah siina nikaaltaa hu.aa aayaa thaa jo vo KHush-nigaah

dil-e-’ishq-KHuu ko vo pur-Guruur lagaa na ho kahii.n yuu.n na ho

ho 'abas yahaa.n use dekhnaa ho 'abas yahaa.n use Dhuu.nDhnaa

miraa yaar mere baGair jii hii sakaa na ho kahii.n yuu.n na ho

vo KHayaal khol ke dekhnaa vo savaal taul ke dekhnaa

ki samajh rahe ho jise KHafaa vo KHafaa na ho kahii.n yuu.n na ho

mirii zindagii tirii bandagii se judaa nahii.n kabhii Gaur kar

mire ijtihaad pe tuu ne Gaur kiyaa na ho kahii.n yuu.n na ho

isii vaaste abhii zinda huu.n ki tumhaaraa chehra hai saamne

ko.ii aur shaKHs mirii nazar me.n jachaa na ho kahii.n yuu.n na ho

vo ko.ii daGaa ko.ii maa'rka vo shujaa’ate.n aur muhaasara

vo ko.ii qadiim rajaz sunaa hii gayaa na ho kahii.n yuu.n na ho

jo 'aziiz jaa.n se hai kaafira use zeb de na munaafira

ye nahii.n ba'iid ki us ko paas-e-vafaa na ho kahii.n yuu.n na ho

tiraa husn asiir na kar sakaa na mai.n tere vaaste mar sakaa

kahii.n meraa saath mire KHudaa ne diyaa na ho kahii.n yuu.n na ho

ko.ii hijratii Gam-e-dahr me.n ho ravaa.n-davaa.n kisii lahar me.n

ko.ii rah rahaa thaa jahaa.n vahaa.n vo rahaa na ho kahii.n yuu.n na ho

vo quruun-e-asl kii saa’ate.n vo junuun-e-vasl kii raahate.n

mire vaaste ho.n mujhe pata hii chalaa na ho kahii.n yuu.n na ho

kisii aur ke liye ho chhupaa ke ha.nsii vo us ne rakhii hu.ii

'zafar' ik mujhii ko hamesha KHuun rulaanaa ho kahii.n yuu.n na ho