سُلطان الہند حضرت خواجہ سیّد محمد معین الدین چشتی فارسی نژاد روحانی پیشوا ، ، واعظ ، عالم ، فلسفی ، صوفی اور زاہد نیز اجمیری سلسلۂ چشتیہ کے مشہور بزرگ تھے۔ان کا آبائی وطن سیستان تھا۔ 13ویں صدی کے اوائل میں انہوں نے برصغیر کا سفر کیا اور یہیں بس گئے اور تصوف کے مشہور سلسلہ چشتیہ کو خوب فروغ بخشا۔معین الدین چشتیؒ کو برصغیر کا سب سے بڑا ولی اور صوفی سمجھا جاتا ہے۔خواجہ معین الدین چشتی وہ پہلے بزرگ تھے جنہوں نے غیر عرب مسلمانوں کو سماع کی طرف راغب کیا اور تقرب الہی کی غرض سے حالت وجد میں سماع کی اجازت دی تاکہ نو مسلموں کو اجنبیت کا احساس نہ ہو اور بھجن اور گیت کے عادی قوالی اور سماع کے ذریعے اللہ سے تقرب حاصل کریں۔زیر نظر کتاب ،عبد الحلیم شرر کی لکھی ہوئی خواجہ غریب نواز کی سوانح حیات ہے ، جس میں خواجہ غریب نواز کے کے تاریخی حالات ، آپ کے اسفار ، اور آپ کے ہاتھوں ہندوستان دین کی تبلیغ و اشاعت کی خدمات کو بیان کیا گیا ہے۔