aah dil ko be-tarah sulga gaya

aah dil ko be-tarah sulgā gayā

kuchh chhalāvā sā mujhe dikhlā gayā

aah bas ab rahm kar tū ḳhalq par

dūd-e-dil se āsmāñ to chhā gayā

yak-ba-yak tujh ko jo vahshat aa ga.ī

kis kī āñkhoñ kā tasavvur aa gayā

muñh phirā mujh se jo vo hañsne lagā

baat us kī baat meñ maiñ pā gayā

kar nigāh-e-karam vo jaatā rahā

aag siina meñ mire sulgā gayā

'ishq' jaldī se pahuñch fariyād ko

dil ke hāthoñ se to maiñ ghabrā gayā

aah dil ko be-tarah sulga gaya

kuchh chhalawa sa mujhe dikhla gaya

aah bas ab rahm kar tu KHalq par

dud-e-dil se aasman to chha gaya

yak-ba-yak tujh ko jo wahshat aa gai

kis ki aankhon ka tasawwur aa gaya

munh phira mujh se jo wo hansne laga

baat us ki baat mein main pa gaya

kar nigah-e-karam wo jata raha

aag sina mein mere sulga gaya

'ishq' jaldi se pahunch fariyaad ko

dil ke hathon se to main ghabra gaya