aah milte hī phir judāī kī

aah milte hī phir judā.ī kī

vaah kyā ḳhuub āshnā.ī kī

na ga.ī terī sar-kashī zālim

ham ne har-chand jabba-sā.ī kī

dil nahīñ apne iḳhtiyār meñ aaj

kyā magar tū ne āshnā.ī kī

dar pe ai yaar tere aa pahuñche

tapish-e-dil ne rahnumā.ī kī

qābil-e-sajda tū hī hai ai but

sair kī ham ne sab ḳhudā.ī kī

jo muqayyad haiñ terī ulfat ke

aarzū kab unheñ rihā.ī kī

jī meñ 'bedār' khap ga.ī mere

ḳhandaq us panja-e-hinā.ī kī

aah milte hī phir judāī kī

wah kyā ḳhub āshnāī kī

na gaī terī sar-kashī zālim

hum ne har-chand jabba-sāī kī

dil nahīñ apne iḳhtiyār meñ aaj

kyā magar tū ne āshnāī kī

dar pe ai yar tere aa pahuñche

tapish-e-dil ne rahnumāī kī

qābil-e-sajda tū hī hai ai but

sair kī hum ne sab ḳhudāī kī

jo muqayyad haiñ terī ulfat ke

aarzū kab unheñ rihāī kī

jī meñ 'bedār' khap gaī mere

ḳhandaq us panja-e-hināī kī