koi aisa bahana chahta hun

koī aisā bahāna chāhtā huuñ

maiñ tere paas aanā chāhtā huuñ

nishāne par tire phir aa gayā huuñ

muqaddar āzmānā chāhtā huuñ

kirā.e par tire dil meñ rahūñ kyuuñ

yahāñ haqq-e-mālikāna chāhtā huuñ

rag-e-jāñ kāTte ho kis liye tum

maiñ to bas āb-o-dāna chāhtā huuñ

tumheñ īmāñ mubārak shaiḳh maiñ to

fizā-e-kāfirāna chāhtā huuñ

suhūlat itnī ho kī saañs le luuñ

kahāñ maiñ chahchahānā chāhtā huuñ

koi aisa bahana chahta hun

main tere pas aana chahta hun

nishane par tere phir aa gaya hun

muqaddar aazmana chahta hun

kirae par tere dil mein rahun kyun

yahan haqq-e-malikana chahta hun

rag-e-jaan kaTte ho kis liye tum

main to bas aab-o-dana chahta hun

tumhein iman mubarak shaiKH main to

fiza-e-kafirana chahta hun

suhulat itni ho ki sans le lun

kahan main chahchahana chahta hun