KHamosh hi rahte hain shikayat nahin karte

ḳhāmosh hī rahte haiñ shikāyat nahīñ karte

aañsū ye mire mujh se baġhāvat nahīñ karte

bas mashvara dete haiñ tujhe tark-e-vafā kā

ai dost kabhī tujh se raqābat nahīñ karte

ham ek alag saf meñ khaḌe hote haiñ lekin

ham jhūTe imāmoñ kī itā'at nahīñ karte

karte haiñ tirā zikr tajarrud meñ hamesha

ham log mohabbat kī ishā.at nahīñ karte

din raat taḌapte haiñ ham ik diid ko hamdam

kyuuñ ham pe tum itnī bhī 'ināyat nahīñ karte

KHamosh hi rahte hain shikayat nahin karte

aansu ye mere mujh se baghawat nahin karte

bas mashwara dete hain tujhe tark-e-wafa ka

ai dost kabhi tujh se raqabat nahin karte

hum ek alag saf mein khaDe hote hain lekin

hum jhuTe imamon ki ita'at nahin karte

karte hain tera zikr tajarrud mein hamesha

hum log mohabbat ki ishaat nahin karte

din raat taDapte hain hum ek did ko hamdam

kyun hum pe tum itni bhi 'inayat nahin karte