aap mujhko mil gae mujhko sahaara mil gaya

aap mujh ko mil ga.e mujh ko sahārā mil gayā

aur ab kyā chāhiye jab dar tumhārā mil gayā

zindagī us din se merī ḳhūbsūrat ho ga.ī

aap kā rahmat piyā jab se dulārā mil gayā

is jahāñ meñ ban ke maulā vo mohammad aa ga.e

ham ġharīboñ be-sahāroñ ko sahārā mil gayā

shaiḳh sāhib ko haram meñ bhī ḳhudā miltā nahīñ

terī sūrat meñ ḳhudā ham ko hamārā mil gayā

mai-kahsī kī phir kabhī us ko zarūrat hī nahīñ

jis kisī ko terī āñkhoñ kā ishāra mil gayā

Duub hī jaate kabhī patvār miltā hī nahīñ

aap kā sad shukriya mujh ko kinārā mil gayā

jis kisī ko aap kā dāman milā murshid mire

diin us ko samjho kī saare kā saarā mil gayā

us karam kā shukriya 'āmir' karo tum rāt-din

sadqa murshid kā mohammad kā utārā mil gayā

aap mujh ko mil gae mujh ko sahaara mil gaya

aur ab kya chahiye jab dar tumhaara mil gaya

zindagi us din se meri KHubsurat ho gai

aap ka rahmat piya jab se dulara mil gaya

is jahan mein ban ke maula wo mohammad aa gae

hum gharibon be-sahaaron ko sahaara mil gaya

shaiKH sahib ko haram mein bhi KHuda milta nahin

teri surat mein KHuda hum ko hamara mil gaya

mai-kahsi ki phir kabhi us ko zarurat hi nahin

jis kisi ko teri aankhon ka ishaara mil gaya

Dub hi jate kabhi patwar milta hi nahin

aap ka sad shukriya mujh ko kinara mil gaya

jis kisi ko aap ka daman mila murshid mere

din us ko samjho ki sare ka sara mil gaya

us karam ka shukriya 'amir' karo tum raat-din

sadqa murshid ka mohammad ka utara mil gaya