qadr-e-dil aashufta jaane hai wahi pyare
qadr-e-dil āshufta jaane hai vahī pyāre
saudā jise kuchh sar meñ kākul kā rahā ho.e
ḳhush aa.e nabāt us ko kuchh baat hai ye sāhib
bātoñ kā mazā us ke jis ne ki chakhā ho.e
ai chashm na us but kī tasvīr nazar meñ rakh
aisā na ho tujh se phir be-zār ḳhudā ho.e
kyuuñ aaj ho ḳhafā ho tum bāteñ nahīñ karte
tā'zīr karo sāhib gar merī ḳhatā ho.e
bātoñ kī tere 'ārif kuchh qadr vahī jaane
jo merā aur mirzā kī sohbat meñ rahā ho.e
qadr-e-dil aashufta jaane hai wahi pyare
sauda jise kuchh sar mein kakul ka raha hoe
KHush aae nabaat us ko kuchh baat hai ye sahib
baaton ka maza us ke jis ne ki chakha hoe
ai chashm na us but ki taswir nazar mein rakh
aisa na ho tujh se phir be-zar KHuda hoe
kyun aaj ho KHafa ho tum baaten nahin karte
ta'zir karo sahib gar meri KHata hoe
baaton ki tere 'arif kuchh qadr wahi jaane
jo mera aur mirza ki sohbat mein raha hoe
- Book : Al-Mujeeb, Phulwari Sharif (Pg. 54)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
