dil hua KHun to muddaa samjhe

dil huā ḳhuuñ to mudda'ā samjhe

ḳhuuñ ro.e to ḳhūñ-bahā samjhe

us kī gardan se sar judā rahe

jo tire dar se sar judā samjhe

nāla-e-be-sadā nahīñ sunte

is qadar ham ko be-navā samjhe

faḳhr ho ham se ḳhāksāroñ ko

sag-e-jānā jo ḳhāk-e-pā samjhe

chashm-e-bad-dūr duur nargis par

jām-e-jam ko ham fidā samjhe

ḳhaak apnī thī ashk se ḳhushk-tar

us ko kyā ḳhāk-e-karbalā samjhe

ḳhat na thā donoñ mahzar-e-ḳhūñ thā

ḳhuuñ ba-fatvā na kyuuñ ravā samjhe

vo dil dāġh-dār thā 'shā.eq'

jis ko ham bāġh-e-dil-kashā samjhe

dil hua KHun to mudda'a samjhe

KHun roe to KHun-baha samjhe

us ki gardan se sar juda rahe

jo tere dar se sar juda samjhe

nala-e-be-sada nahin sunte

is qadar hum ko be-nawa samjhe

faKHr ho hum se KHaksaron ko

sag-e-jaana jo KHak-e-pa samjhe

chashm-e-bad-dur dur nargis par

jam-e-jam ko hum fida samjhe

KHak apni thi ashk se KHushk-tar

us ko kya KHak-e-karbala samjhe

KHat na tha donon mahzar-e-KHun tha

KHun ba-fatwa na kyun rawa samjhe

wo dil dagh-dar tha 'shaeq'

jis ko hum bagh-e-dil-kasha samjhe