دل ہوا خوں تو مدعا سمجھے

دل ہوا خوں تو مدعا سمجھے

خوں روئے تو خوں بہا سمجھے

اس کی گردن سے سر جدا رہے

جو ترے در سے سر جدا سمجھے

نالۂ بے صدا نہیں سنتے

اس قدر ہم کو بے نوا سمجھے

فخر ہو ہم سے خاکساروں کو

سگ جانا جو خاکپا سمجھے

چشم بد دور دور نرگس پر

جام جم کو ہم فدا سمجھے

خا ک اپنی تھی اشک سے خشک تر

اس کو کیا خاک کربلا سمجھے

خط نہ تھا دونوں محضر خوں تھا

خوں بفتویٰ نہ کیوں روا سمجھے

وہ دل داغدار تھا شائقؔ

جس کو ہم باغ دلکشا سمجھے