عشق تجھ سے صنم نہیں ہوتا
عشق تجھ سے صنم نہیں ہوتا
گر خدا کا کرم نہیں ہوتا
جو تو ثابت قدم نہیں ہوتا
مجھ کو اتنا اہم نہیں ہوتا
جب نظر سے نظر نہیں ملتی
دل پہ کوئی ستم نہیں ہوتا
جو محبت میں ہوتے ہیں خادع
ان کا کوئی حرم نہیں ہوتا
میں اگر بے کراں نہ کرتا عشق
ان کو خود پر منم نہیں ہوتا
عاشقی نے کیا ہے یوں بے بس
حال دل اب رقم نہیں ہوتا
شعر گوئی اگر نہ کرتا میں
نام رہبرؔ علم نہیں ہوتا
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
