dil ko main be-qarar kaise karun

dil ko maiñ be-qarār kaise karūñ

yaar maiñ tujh se pyaar kaise karūñ

tujh se vā'de hazār kaise karūñ

'ishq meñ ḳhud ko ḳhvār kaise karūñ

'ishq meñ be-karāñ alam pā kar

'ishq phir ek baar kaise karūñ

terī ulfat meñ phir se kho kar maiñ

har 'amal dar-kinār kaise karūñ

be-vafā bā-vafā nahīñ hai tū

mukHlisoñ meñ shumār kaise karūñ

dam-e-āḳhir qarīñ rahegā tū

tujh pe maiñ e'tibār kaise karūñ

az sar-e-nau sukūn 'rahbar' kā

maiñ bhalā tār-tār kaise karūñ

dil ko main be-qarar kaise karun

yar main tujh se pyar kaise karun

tujh se wa'de hazar kaise karun

'ishq mein KHud ko KHwar kaise karun

'ishq mein be-karan alam pa kar

'ishq phir ek bar kaise karun

teri ulfat mein phir se kho kar main

har 'amal dar-kinar kaise karun

be-wafa ba-wafa nahin hai tu

mukHlison mein shumar kaise karun

dam-e-aKHir qarin rahega tu

tujh pe main e'tibar kaise karun

az sar-e-nau sukun 'rahbar' ka

main bhala tar-tar kaise karun