jis taraf dekhiye wo jalwa-numa hota hai

jis taraf dekhiye vo jalva-numā hotā hai

nahīñ mā'lūm mohabbat meñ ye kyā hotā hai

yaad aatā hai mujhe shādī-e-paiham kā maal

sar-e-mahfil jo koī naġhma-sarā hotā hai

ḳhud to hote nahīñ āsār junūñ ke paidā

terā andāz har ik hosh-rubā hotā hai

aaj tak mulk-e-'adam kā na musāfir lauTā

kis se poñchhūñ ki tirī bazm meñ kyā hotā hai

saḳhtiyoñ se ġham-e-ulfat kī guzarne vaale

nāla-e-dil baḌī mushkil se rasā hotā hai

'umr bhar ham ne jise naaz se paalā thā 'ġhafūr'

ab vo duzdīda nigāhoñ pe fidā hotā hai

jis taraf dekhiye wo jalwa-numa hota hai

nahin ma'lum mohabbat mein ye kya hota hai

yaad aata hai mujhe shadi-e-paiham ka mal

sar-e-mahfil jo koi naghma-sara hota hai

KHud to hote nahin aasar junun ke paida

tera andaz har ek hosh-ruba hota hai

aaj tak mulk-e-'adam ka na musafir lauTa

kis se ponchhun ki teri bazm mein kya hota hai

saKHtiyon se gham-e-ulfat ki guzarne wale

nala-e-dil baDi mushkil se rasa hota hai

'umr bhar hum ne jise naz se pala tha 'ghafur'

ab wo duzdida nigahon pe fida hota hai