ishq kya chiz hai arbab-e-wafa se puchho

'ishq kyā chiiz hai arbāb-e-vafā se pūchho

husn kahte haiñ kise husn-e-adā se pūchho

'ishq kī raah meñ har gaam pe raushan haiñ charāġh

sho'la-sāmāñ sharar āh-e-rasā se pūchho

dasht-e-ḳhāk aur nigāhoñ meñ talab jalvoñ kī

dil-e-be-tāb ke armān-e-vafā se pūchho

zarra raushan haiñ zamīñ par jo sitāroñ kī tarah

husn kī zarra-navāzī kī adā se pūchho

kyuuñ hai ye qaidi-e-zindāñ pe balāoñ kā hujūm

vahshat-e-dil se nahīñ zulf-e-dotā se pūchho

ab bharosa nahīñ kiyā maiñ kisī par bhī ‘ġhafūr’

fikr kyuuñ hai ye zamāne kī havā se pūchho

'ishq kya chiz hai arbab-e-wafa se puchho

husn kahte hain kise husn-e-ada se puchho

'ishq ki rah mein har gam pe raushan hain charagh

sho'la-saman sharar aah-e-rasa se puchho

dasht-e-KHak aur nigahon mein talab jalwon ki

dil-e-be-tab ke arman-e-wafa se puchho

zarra raushan hain zamin par jo sitaron ki tarah

husn ki zarra-nawazi ki ada se puchho

kyun hai ye qaidi-e-zindan pe balaon ka hujum

wahshat-e-dil se nahin zulf-e-dota se puchho

ab bharosa nahin kiya main kisi par bhi ‘ghafur’

fikr kyun hai ye zamane ki hawa se puchho