وہ تو بے پردہ ہے تُو پیدا شناسائی کر

وہ تو بے پردہ ہے تُو پیدا شناسائی کر

کس کو کہتے ہو کہ آ انجمن آرائی کر

سنگ در بول اُٹھا تیری تو منزل ہے یہی

شوقِ سجدہ نے کہا اور جبیں سائی کر

یہ تو ہوسکتا ہے تُو خود میں سمولے مجھ کو

خود تو ہرجائی ہے تُو، مجھ کو بھی ہرجائی کر

جلوے ہر آن نئے آتے ہیں اور جاتے ہیں

ساتھ ان جلووں کے تُو بادیہ پیمائی کر

اِس تماشہ گہ عالم میں کہا تھا کس نے

خود تماشہ بنے اور خود کو تمشائی کر

عشق کہتے ہیں جسے حُسن کا ہے شوقِ ظہور

عشق کو کیسے کہا جائے نہ رُسوائی کر

جب کہا تُو نے نظامی کو گرا سجدہ میں

نقشِ عالم کو تصور مری رعنائی کر