wo to be-parda hai tu paida shanasai kar

vo to be-parda hai tū paidā shanāsā.ī kar

kis ko kahte ho ki aa anjuman ārā.ī kar

sañg-e-dar bol uThā terī to manzil hai yahī

shauq-e-sajda ne kahā aur jabīñ-sā.ī kar

ye to ho saktā hai tū ḳhud meñ samo le mujh ko

ḳhud to harjā.ī hai tū mujh ko bhī harjā.ī kar

jalve har aan na.e aate haiñ aur jaate haiñ

saath un jalvoñ ke tū bādiya-paimā.ī kar

us tamāsha-gah-e-'ālam meñ kahā thā kis ne

ḳhud tamāsha bane aur ḳhud ko tamāshā.ī kar

'ishq kahte haiñ jise husn kā hai shauq zuhūr

'ishq ko kaise kahā jaa.e na rusvā.ī kar

jab kahā tū ne 'nizāmī' ko girā sajda meñ

naqsh-e-’ālam ko tasavvur mirī rā'nā.ī kar

wo to be-parda hai tu paida shanasai kar

kis ko kahte ho ki aa anjuman aarai kar

sang-e-dar bol uTha teri to manzil hai yahi

shauq-e-sajda ne kaha aur jabin-sai kar

ye to ho sakta hai tu KHud mein samo le mujh ko

KHud to harjai hai tu mujh ko bhi harjai kar

jalwe har aan nae aate hain aur jate hain

sath un jalwon ke tu baadiya-paimai kar

us tamasha-gah-e-'alam mein kaha tha kis ne

KHud tamasha bane aur KHud ko tamashai kar

'ishq kahte hain jise husn ka hai shauq zuhur

'ishq ko kaise kaha jae na ruswai kar

jab kaha tu ne 'nizami' ko gira sajda mein

naqsh-e-’alam ko tasawwur meri ra'nai kar