Sufinama

jab nigah-e-talab moatabar ho gai

Abdul Mannan Tarzi

jab nigah-e-talab moatabar ho gai

Abdul Mannan Tarzi

MORE BYAbdul Mannan Tarzi

    jab nigāh-e-talab mo'atabar ho ga.ī

    manzil-e-shauq dushvār-tar ho ga.ī

    sā.at-e-ġham bhī kyā muḳhtasar ho ga.ī

    terī yaad aa.ī thī ki sahar ho ga.ī

    har haqīqat ḳhud apnī ḳhabar ho ga.ī

    bid'at-e-rañg sarf-e-nazar ho ga.ī

    raat mahfil meñ vo be-naqāb aa.e the

    aur ham ne ye samjhā sahar ho ga.ī

    apne pindār laash Dhote rahe

    zindagī apnī us meñ basar ho ga.ī

    ā.īne se palaTtī rahī har kiran

    har nazar apnī parda-dar ho ga.ī

    koī ilzām jalvoñ pe aayā nahīñ

    bebasī aañkh mushtahar ho ga.ī

    vo jo aa.e to sailāb-e-nūr aa gayā

    raushnī ḳhud sadd-e-nazar ho ga.ī

    chāra-sāzī na haif nazroñ ne

    ham ne samjhā du'ā be-asar ho ga.ī

    haa.e phir terī bātoñ meñ dil aa gayā

    phir fusūñ-sāz terī nazar ho ga.ī

    apne ’ijz-e-nazar bharam khul gayā

    be-hijābī tirī dīda-var ho ga.ī

    'tarzī' qadmoñ ke badle jabīneñ mileñ

    nārasī qismat-e-sang-e-dar ho ga.ī

    jab nigah-e-talab mo'atabar ho gai

    manzil-e-shauq dushwar-tar ho gai

    saat-e-gham bhi kya muKHtasar ho gai

    teri yaad aai thi ki sahar ho gai

    har haqiqat KHud apni KHabar ho gai

    bid'at-e-rang sarf-e-nazar ho gai

    raat mahfil mein wo be-naqab aae the

    aur hum ne ye samjha sahar ho gai

    apne pindar ki lash Dhote rahe

    zindagi apni us mein basar ho gai

    aaine se palaTti rahi har kiran

    har nazar apni hi parda-dar ho gai

    koi ilzam jalwon pe aaya nahin

    bebasi aankh ki mushtahar ho gai

    wo jo aae to sailab-e-nur aa gaya

    raushni KHud hi sadd-e-nazar ho gai

    chaara-sazi na ki haif nazron hi ne

    hum ne samjha du'a be-asar ho gai

    hae phir teri baaton mein dil aa gaya

    phir fusun-saz teri nazar ho gai

    apne ’ijz-e-nazar ka bharam khul gaya

    be-hijabi teri dida-war ho gai

    'tarzi' qadmon ke badle jabinen milen

    narasi qismat-e-sang-e-dar ho gai

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now