mohabbat mein bhi ab sud-o-ziyan tak baat aa pahunchi

mohabbat meñ bhī ab sūd-o-ziyāñ tak baat aa pahuñchī

kahāñ kī baat thī lekin kahāñ tak baat aa pahuñchī

tahammul kī mire kyā daad tum ab bhī nahīñ doge

ki josh-e-zabt se ashk-e-ravāñ tak baat aa pahuñchī

kabhī dekhā thā mahfil meñ nigāh-e-lutf se us ne

qiyāmat hai ki logoñ kī zabāñ tak baat aa pahuñchī

ḳhud apne ashkoñ ne rusvā kiyā mujh ko sar-e-mahfil

dayār-e-dostāñ se dushmanāñ tak baat aa pahuñchī

ye farsūda ġhazal ahl-e-suḳhan kī bazm meñ 'tarzī'

magar dil kī ḳhalish thī aur bayāñ tak baat aa pahuñchī

mohabbat mein bhi ab sud-o-ziyan tak baat aa pahunchi

kahan ki baat thi lekin kahan tak baat aa pahunchi

tahammul ki mere kya dad tum ab bhi nahin doge

ki josh-e-zabt se ashk-e-rawan tak baat aa pahunchi

kabhi dekha tha mahfil mein nigah-e-lutf se us ne

qiyamat hai ki logon ki zaban tak baat aa pahunchi

KHud apne ashkon ne ruswa kiya mujh ko sar-e-mahfil

dayar-e-dostan se dushmanan tak baat aa pahunchi

ye farsuda ghazal ahl-e-suKHan ki bazm mein 'tarzi'

magar dil ki KHalish thi aur bayan tak baat aa pahunchi