کہاں دامِ زلف بچھا نہیں وہ کون جو کہ پھنسا نہیں

کہاں دامِ زلف بچھا نہیں وہ کون جو کہ پھنسا نہیں

کوئی شخص اسے بچا نہیں پڑے جس کے سرپہ بلا نہیں

تب ہجر کا ہے مرض مجھے جو مسیح آئے تو کیا کرے

کہ بغیر شربت وصل کے مرے درد دل کی دوا نہیں

وہ جو جور کرتا ہے بے سبب کہوں کس سے کوئی سنے گا کب

پڑا سابقہ مجھے اس سے اب جسے کچھ خوف خدا نہیں

نہیں مانے گا تیرا کہا تو عبث ہے سر کو پھرا رہا

کہ بغیر عشق کی ناصحا زندگی کا مزا نہیں

ہے عبث شکایت دل ربا نہیں رحیمؔ اس کی ذرا خطا

وہ ہے کون ایسا حسیں دلا کہ ہے جس میں جور و جفا نہیں