shauq tha aapko kab jaur-o-jafa se pahle

shauq thā aap ko kab jaur-o-jafā se pahle

kaam rakhte the sadā mehr-o-vafā se pahle

maiñ bhī huuñ kushta-e-andāz-e-taġhāful dekho

kyā jalāte na the murdoñ ko udāse pahle

paḌ gayā zulf pe saaya kisī saudā.ī kā

yuuñ ulajhte na the kāfir havā se pahle

pārhā-e-dil-e-mushtāq bhī aa.e ai chashm

yahī pahuñcheñge magar ashk-rasā se pahle

kyuuñ ḳhafā ho ki yahāñ siina meñ dam ghuTtā hai

jaan jaatī hai mirī haaye qazā se pahle

baa'd meñ yaad karegā tū vafā.eñ qātil

qatl karatā hai agar teġh-e-jafā se pahle

gul bhī khil jā.eñge khaTkā tujhe kyā hai bulbul

patā miltā hī nahīñ hukm-e-ḳhudā se pahle

kūcha-e-yār meñ kyā ḳhaak rahe ḳhaak apnī

kī rasā.ī na kuchh afsos sabā se pahle

tujh ko hūroñ kī talab mujh ko butoñ kī ḳhvāhish

zāhid aap to bach apnī havā se pahle

be-ḳhabar hosh meñ aa ġharra-e-hastō kyā hai

use paayā hai na pā.egā fanā se pahle

bosa-e-ruḳh ke talab-gār the gar 'rahīm'

mashvara kyuuñ na kiyā zulf-e-dotā se pahle

shauq tha aap ko kab jaur-o-jafa se pahle

kaam rakhte the sada mehr-o-wafa se pahle

main bhi hun kushta-e-andaz-e-taghaful dekho

kya jalate na the murdon ko udase pahle

paD gaya zulf pe saya kisi saudai ka

yun ulajhte na the kafir hawa se pahle

parha-e-dil-e-mushtaq bhi aae ai chashm

yahi pahunchenge magar ashk-rasa se pahle

kyun KHafa ho ki yahan sina mein dam ghuTta hai

jaan jati hai meri haye qaza se pahle

ba'd mein yaad karega tu wafaen qatil

qatl karata hai agar tegh-e-jafa se pahle

gul bhi khil jaenge khaTka tujhe kya hai bulbul

pata milta hi nahin hukm-e-KHuda se pahle

kucha-e-yar mein kya KHak rahe KHak apni

ki rasai na kuchh afsos saba se pahle

tujh ko huron ki talab mujh ko buton ki KHwahish

zahid aap to bach apni hawa se pahle

be-KHabar hosh mein aa gharra-e-hastoo kya hai

use paya hai na paega fana se pahle

bosa-e-ruKH ke talab-gar the gar 'rahim'

mashwara kyun na kiya zulf-e-dota se pahle