zulf-o-ariz par tabiat be-qarar aane ko thi

zulf-o-āriz par tabī.at be-qarār aane ko thī

ek din ye gardish-e-lail-o-nahār aane ko thī

kab chaman se daam meñ sayyād ke ham phañs ga.e

jab ḳhizāñ jaane ko thī fasl-e-bahār aane ko thī

hashr meñ ahkām-e-taslīm-o-razā yaad ā.gaye

varna dil meñ bahs-e-jabr-o-iḳhtiyār aane ko thī

zulf-o-ariz par tabiat be-qarar aane ko thi

ek din ye gardish-e-lail-o-nahaar aane ko thi

kab chaman se dam mein sayyaad ke hum phans gae

jab KHizan jaane ko thi fasl-e-bahaar aane ko thi

hashr mein ahkaam-e-taslim-o-raza yaad aagaye

warna dil mein bahs-e-jabr-o-iKHtiyar aane ko thi