tabdil karna hai tera nazm-e-jahan mujhe

tabdīl karnā hai terā nazm-e-jahāñ mujhe

jiine de chand din abhī ai āsmāñ mujhe

hotī nahīñ hai kHvāhish-e-kaun-o-makāñ mujhe

jannat vahīñ hai tū nazar aa.e jahāñ mujhe

baḳhshīñ tirī nazar ne vo ḳhud-dāriyāñ mujhe

dushvāriyāñ nahīñ rahīñ dushvāriyāñ mujhe

pahuñchā diyā hai 'ishq ne aise maqām par

le jā sakī jahāñ na ye 'umr-e-ravāñ mujhe

pahuñchā diyā hai 'ishq ne aise maqām par

le jā sakī jahāñ na ye 'umr-e-ravāñ mujhe

ai barq iztirāb tirā ab fuzūl hai

maiñ āshiyāñ ko chhoḌ chukā āshiyāñ mujhe

karatā maiñ zindagī ko daraḳhshāñ ba-qadr-e-shauq

tere ḳhayāl se huī fursat kahāñ mujhe

dhokā nahīñ nazar kā ye merā yaqīn hai

jannat vahīñ hai tū nazar aa.e jahāñ mujhe

miTnā thā 'ishq meñ mujhe maiñ miT gayā zarūr

‘maqsūd’ yaad hai abhī vo dāstāñ mujhe

tabdil karna hai tera nazm-e-jahan mujhe

jine de chand din abhi ai aasman mujhe

hoti nahin hai kHwahish-e-kaun-o-makan mujhe

jannat wahin hai tu nazar aae jahan mujhe

baKHshin teri nazar ne wo KHud-dariyan mujhe

dushwariyan nahin rahin dushwariyan mujhe

pahuncha diya hai 'ishq ne aise maqam par

le ja saki jahan na ye 'umr-e-rawan mujhe

pahuncha diya hai 'ishq ne aise maqam par

le ja saki jahan na ye 'umr-e-rawan mujhe

ai barq iztirab tera ab fuzul hai

main aashiyan ko chhoD chuka aashiyan mujhe

karata main zindagi ko daraKHshan ba-qadr-e-shauq

tere KHayal se hui fursat kahan mujhe

dhoka nahin nazar ka ye mera yaqin hai

jannat wahin hai tu nazar aae jahan mujhe

miTna tha 'ishq mein mujhe main miT gaya zarur

‘maqsud’ yaad hai abhi wo dastan mujhe