KHayalon mein nigahon mein tumhin ho
ḳhayāloñ meñ nigāhoñ meñ tumhīñ ho
phir us par ye ġhazab parda-nashīñ ho
haram meñ dair meñ kab tak pukārūñ
mujhe āvāz do gar tum kahīñ ho
dikhā.e ek rañg inkār-o-iqrār
nahīñ maiñ haañ ho aur haañ meñ nahīñ ho
nahīñ ye zindagānī maut se kam
ki ai jaañ ham kahīñ haiñ tum kahīñ ho
milegī ham ko jannat yā ki dozaḳh
hamārā faisla yā rab yahīñ ho
ḳhudā kī baat muusā ko mubārak
hamāre kaan hoñ terī nahīñ ho
salām us ko kiyā to hañs ke pūchhā
tumhārā naam kyā 'mā.il' tumhīñ ho
KHayalon mein nigahon mein tumhin ho
phir us par ye ghazab parda-nashin ho
haram mein dair mein kab tak pukarun
mujhe aawaz do gar tum kahin ho
dikhae ek rang inkar-o-iqrar
nahin main han ho aur han mein nahin ho
nahin ye zindagani maut se kam
ki ai jaan hum kahin hain tum kahin ho
milegi hum ko jannat ya ki dozaKH
hamara faisla ya rab yahin ho
KHuda ki baat musa ko mubarak
hamare kan hon teri nahin ho
salam us ko kiya to hans ke puchha
tumhaara nam kya 'mail' tumhin ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
