dil mein utarte harf se mujh ka mila pata tera

dil meñ utarte harf se mujh kā milā patā tirā

mo’jaza-e-husn-e-saut kā zamzama-e-sadā tirā

merā kalām-e-fan tire husn-e-kalām kā ġhulām

baat thī jāñ-fizā tirī lahja thā dil-rubā tirā

jaañ tirī sar-ba-sar jamāl dil tirā ā.īna misāl

tujh ko tire 'adū ne bhī dekhā to ho gayā tirā

ai mire shāh-e-sharq-o-ġharb nān-e-javīñ ġhizā tirī

ai mire boriyā-nashīñ saarā jahāñ gadā tirā

sañg-zanoñ meñ ghir ke bhī tū ne unheñ du'ā hī dī

dasht-e-balā se bārhā guzrā hai qāfila tirā

koī nahīñ tirī nazīr roz-e-azal se aaj tak

tā-ba-abad nahīñ masīl koī tire sivā tirā

yuuñ to tirī rasā.iyāñ farsh se 'arsh tak muhīt

maiñ ne to apne dil meñ bhī paayā hai naqsh-e-pā tirā

merā to kā.ināt meñ tere sivā koī nahīñ

arz tirī samā tire bande tire ḳhudā tirā

aate hue dinoñ se bhī mujh ko koī ḳhatar nahīñ

māzī-o-hāl meñ bhī jab puurā huā kahā tirā

duur sahī dayār-e-nūr chuur sahī mirā su'ūr

tū mirā hausla to dekh maiñ bhī huuñ mubtalā tirā

dil mein utarte harf se mujh ka mila pata tera

mo’jaza-e-husn-e-saut ka zamzama-e-sada tera

mera kalam-e-fan tere husn-e-kalam ka ghulam

baat thi jaan-fiza teri lahja tha dil-ruba tera

jaan teri sar-ba-sar jamal dil tera aaina misal

tujh ko tere 'adu ne bhi dekha to ho gaya tera

ai mere shah-e-sharq-o-gharb nan-e-jawin ghiza teri

ai mere boriya-nashin sara jahan gada tera

sang-zanon mein ghir ke bhi tu ne unhen du'a hi di

dasht-e-bala se barha guzra hai qafila tera

koi nahin teri nazir roz-e-azal se aaj tak

ta-ba-abad nahin masil koi tere siwa tera

yun to teri rasaiyan farsh se 'arsh tak muhit

main ne to apne dil mein bhi paya hai naqsh-e-pa tera

mera to kainat mein tere siwa koi nahin

arz teri sama tere bande tere KHuda tera

aate hue dinon se bhi mujh ko koi KHatar nahin

mazi-o-haal mein bhi jab pura hua kaha tera

dur sahi dayar-e-nur chur sahi mera su'ur

tu mera hausla to dekh main bhi hun mubtala tera