ai mah-e-kHush-ru kah de ab jo baat hai

ai māh-e-kHush-rū kah de ab jo baat hai

ki paimāna-e-tajassus-e-man muntazir-e-ba-iltifāt hai

terā husn be-intihā merā qalam be-sāḳhta

khīñchnā naqsha tirā kyā ruuh kī nishāt hai

tāj-e-ḳhirman se muqarrar dastūr-e-anjum-gīrī tirī

raushan tire ruḳhsār se sarā-e-be-sabāt hai

hañgām-e-jahāñ se dauḌ kar DhūñDeñ kHalvat-nashīñ tujhe

ki terī mahfil meñ 'ayāñ raqs-o-surūd-e-kā.ināt hai

'ishq kāmil hai tirā 'aks hai tū yaar kā

poshīda ā.īne meñ tire raaz 'ain-e-hayāt hai

siikh le 'ahmad' miTānā ḳhud kā 'aks mahtāb se

ki ġharq honā yaar meñ zuhūr-e-tajallī-e-zāt hai

ai mah-e-kHush-ru kah de ab jo baat hai

ki paimana-e-tajassus-e-man muntazir-e-ba-iltifat hai

tera husn be-intiha mera qalam be-saKHta

khinchna naqsha tera kya ruh ki nishat hai

taj-e-KHirman se muqarrar dastur-e-anjum-giri teri

raushan tere ruKHsar se sara-e-be-sabaat hai

hangam-e-jahan se dauD kar DhunDen kHalwat-nashin tujhe

ki teri mahfil mein 'ayan raqs-o-surud-e-kainat hai

'ishq kaamil hai tera 'aks hai tu yar ka

poshida aaine mein tere raaz 'ain-e-hayat hai

sikh le 'ahmad' miTana KHud ka 'aks mahtab se

ki gharq hona yar mein zuhur-e-tajalli-e-zat hai