ghazab hai luT le joban kisi ka

ġhazab hai luuT le joban kisī kā

usī dil ko jo ho maskan kisī kā

dam-e-girya mujhe hasrat hai ashko

ki tum ho aur ho dāman kisī kā

mohabbat kā rahe parda pas-e-marg

kafan merā ho pairāhan kisī kā

mazā hai rūThne kā jab shab-e-vasl

kashākash meñ rahe dāman kisī kā

du’ā-e-bad bhī karatā huuñ ye kah kar

ki merā dost ho dushman kisī kā

hayā se sar jhukā.e baiThe haiñ vo

abhī parde meñ hai joban kisī kā

mohabbat ke mahīñ sadme uThā.ūñ

mirā dushman na ho dushman kisī kā

bachā.e yaar kī āñkhoñ se allāh

na lūTeñ ghar ye daur rahzan kisī kā

batā de tū hī ai josh-e-javānī

phaTā paḌtā hai kyuuñ joban kisī kā

javānī kī umañgeñ kah rahī haiñ

karegā sar-kashī joban kisī kā

hujūm-e-yās-o-hasrat kyuuñ na hotā

ki mātam thā sar-e-madfan kisī kā

nigāhoñ ne bahut āñkhoñ meñ rokā

na Thahrā jalva-e-pur-fan kisī kā

tamāsha hai koī maqtal bhī 'ehsā۔n'

udhar hai sar idhar hai tan kisī kā

ghazab hai luT le joban kisi ka

usi dil ko jo ho maskan kisi ka

dam-e-girya mujhe hasrat hai ashko

ki tum ho aur ho daman kisi ka

mohabbat ka rahe parda pas-e-marg

kafan mera ho pairahan kisi ka

maza hai ruThne ka jab shab-e-wasl

kashakash mein rahe daman kisi ka

du’a-e-bad bhi karata hun ye kah kar

ki mera dost ho dushman kisi ka

haya se sar jhukae baiThe hain wo

abhi parde mein hai joban kisi ka

mohabbat ke mahin sadme uThaun

mera dushman na ho dushman kisi ka

bachae yar ki aankhon se allah

na luTen ghar ye daur rahzan kisi ka

bata de tu hi ai josh-e-jawani

phaTa paDta hai kyun joban kisi ka

jawani ki umangen kah rahi hain

karega sar-kashi joban kisi ka

hujum-e-yas-o-hasrat kyun na hota

ki matam tha sar-e-madfan kisi ka

nigahon ne bahut aankhon mein roka

na Thahra jalwa-e-pur-fan kisi ka

tamasha hai koi maqtal bhi 'ehsa۔n'

udhar hai sar idhar hai tan kisi ka