ai dil kahin na jaiyo zinhaar dekhna

ai dil kahīñ na jā.iyo zinhār dekhnā

apne hī beach yaar kā dīdār dekhnā

ḳhūbān-e-is-jahāñ kā tamāsha jo tū kare

ā.īna-dār tal'at-e-dildār dekhnā

nairañgiyoñ se yaar kī hairāñ na hojiyo

har rañg meñ usī ko numūdār dekhnā

ai dil qimār-e-ishq meñ Tuk khelyo sambhal

baazī na diijo haar mere yaar dekhnā

gar naqd-e-jāñ talab kare vo shoḳh dilrubā

inkār vaañ na kījiyo zinhār dekhnā

hargiz davā na kījiyo is ġham kī ai 'niyāz'

sab rāhatoñ se ġham ko maze-dār dekhnā

ai dil kahin na jaiyo zinhaar dekhna

apne hi beach yar ka didar dekhna

KHuban-e-is-jahan ka tamasha jo tu kare

aaina-dar tal'at-e-dildar dekhna

nairangiyon se yar ki hairan na hojiyo

har rang mein usi ko numudar dekhna

ai dil qimar-e-ishq mein Tuk khelyo sambhal

bazi na dijo haar mere yar dekhna

gar naqd-e-jaan talab kare wo shoKH dilruba

inkar wan na kijiyo zinhaar dekhna

hargiz dawa na kijiyo is gham ki ai 'niyaz'

sab rahaton se gham ko maze-dar dekhna