ai dil-e-dana ye dil mutlaq ko jab tu paega

ai dil-e-dānā ye dil mutlaq ko jab tū pā.egā

ā.īna ho kar nafī isbāt kā khul jā.egā

chhe alif kalime ke haiñ haadī se apne bichār

chhe alif kā alif haadī tujhe sunvā.egā

ik kufr sau haigā ġhussa dosrā jaane hasad

buġhz aur kiina kar tama' tujhe jalvā.egā

nā kufr nā shirk hai ik lafz-e-kalima darmiyān

do kufr aur chaar shirkāñ nafas ke dikhlā.egā

pāñch tan mil kar jo pahne be-ḳhudī kā haiñ kafan

shirk kufr rasmī kahā to muñh syaah ho jā.egā

khānā nā kam khā niiñd kam so sohbat-e-ġhairoñ se duur

baat to na kar ziyāda yaad meñ kho jā.egā

chaar manzil do maqāmāñ sair kar kalima zarūr

khānā khāyā shikam phūlā misl-e-kHar so jā.egā

'akbar' qāsim qādirī hai nūruddīn kī ḳhāk-e-pā

shirk kufr meñ tū gar tū tere ta.iiñ samjhā.egā

ai dil-e-dana ye dil mutlaq ko jab tu paega

aaina ho kar nafi isbaat ka khul jaega

chhe alif kalime ke hain hadi se apne bichaar

chhe alif ka alif hadi tujhe sunwaega

ek kufr sau haiga ghussa dosra jaane hasad

bughz aur kina kar tama' tujhe jalwaega

na kufr na shirk hai ek lafz-e-kalima darmiyan

do kufr aur chaar shirkan nafas ke dikhlaega

panch tan mil kar jo pahne be-KHudi ka hain kafan

shirk kufr rasmi kaha to munh syah ho jaega

khana na kam kha nind kam so sohbat-e-ghairon se dur

baat to na kar ziyaada yaad mein kho jaega

chaar manzil do maqaman sair kar kalima zarur

khana khaya shikam phula misl-e-kHar so jaega

'akbar' qasim qadiri hai nuruddin ki KHak-e-pa

shirk kufr mein tu gar tu tere tain samjhaega