shan subhan hai insan bane baiThe hain

shaan sub.hān hai insān bane baiThe haiñ

daanā dānista haiñ nādān bane baiThe haiñ

arsh par naam ko ik shaan bane baiThe haiñ

farsh par kaam ko insān bane baiThe haiñ

kul tarīqat kī batāte haiñ tarīqe aur phir

kuchh nahii. jānte anjān bane baiThe haiñ

aap mahbūb bane aap bulāyā sar-e-arsh

apne ghar aap hī mehmān bane baiThe haiñ

aap hī bhej diyā pahle hidāyat ke liye

aap hī paḌhte haiñ qur.ān bane baiThe haiñ

kyuuñ na sau jaan se hoñ is nāz-o-adā ke sadqe

aaj to aap mirī jaan bane baiThe haiñ

kal to mandir meñ barahman ko diye the darshan

aaj masjid meñ musalmān bane baiThe haiñ

mil ga.e ḳhaak meñ ban ban ke hazāroñ putle

ḳhalq meñ saikḌoñ aivān bane baiThe haiñ

aap jo māñgte haiñ dil use kyuuñ kar de duuñ

aap usī dil meñ mirī jaan bane baiThe haiñ

'akbar' asrār-e-haqīqat se hai ājiz-e-idrāk

donoñ a.alam haiñ ki hairān bane baiThe haiñ

shan subhan hai insan bane baiThe hain

dana danista hain nadan bane baiThe hain

arsh par nam ko ek shan bane baiThe hain

farsh par kaam ko insan bane baiThe hain

kul tariqat ki batate hain tariqe aur phir

kuchh nahi jaante anjaan bane baiThe hain

aap mahbub bane aap bulaya sar-e-arsh

apne ghar aap hi mehman bane baiThe hain

aap hi bhej diya pahle hidayat ke liye

aap hi paDhte hain quran bane baiThe hain

kyun na sau jaan se hon is naz-o-ada ke sadqe

aaj to aap meri jaan bane baiThe hain

kal to mandir mein barahman ko diye the darshan

aaj masjid mein musalman bane baiThe hain

mil gae KHak mein ban ban ke hazaron putle

KHalq mein saikDon aiwan bane baiThe hain

aap jo mangte hain dil use kyun kar de dun

aap usi dil mein meri jaan bane baiThe hain

'akbar' asrar-e-haqiqat se hai aajiz-e-idrak

donon aalam hain ki hairan bane baiThe hain