az dair-e-mughan aaya mai-e-gardish-e-sahba mast

az dair-e-muġhāñ aayā mai-e-gardish-e-sahbā mast

dar bazm-e-fanā dekhā har zarra tamāshā mast

jo sar na jhuke dar par vo ahl-e-vafā kaisā

jo hijr meñ jaltā ho vo sho'la-e-fardā mast

hai gardish-e-sāġhar meñ sad-rañg haqīqat bhī

har riñd-e-haram dekhā har zāhid-e-dānā mast

har zarra huā raqsāñ har mauj thī kohsārā

ik banda thā ‘arshoñ par dariyā thā jo dariyā mast

mai-kHāna-o-mehrābāñ sab harqa-e-hastī haiñ

kā'ba bhī sar-e-mai hai derīna kalīsā mast

har gosha-e-hastī meñ sad-rañg kī mahfil hai

har sāz-e-azal naġhma har lahn masīhā mast

jo jām-e-azal pī le phir us ko ḳhabar kyā ho

dīvār bhī raqsāñ hai zanjīr bhī rusvā mast

jab 'ishq sadā degā sab qaid se chhūTeñge

har qaid kā dar vā hai har ruuh kā saudā mast

ḳhurshīd bhī hairāñ hai mahtāb bhī hairāñ hai

ik chashm-e-tajallī meñ har zarra sahīfa mast

‘naushā’ tirī mahfil meñ har ruuh tamāshā mast

har ashk hai dariyā mast har saañs hai shaidā mast

az dair-e-mughan aaya mai-e-gardish-e-sahba mast

dar bazm-e-fana dekha har zarra tamasha mast

jo sar na jhuke dar par wo ahl-e-wafa kaisa

jo hijr mein jalta ho wo sho'la-e-farda mast

hai gardish-e-saghar mein sad-rang haqiqat bhi

har rind-e-haram dekha har zahid-e-dana mast

har zarra hua raqsan har mauj thi kohsara

ek banda tha ‘arshon par dariya tha jo dariya mast

mai-kHana-o-mehraban sab harqa-e-hasti hain

ka'ba bhi sar-e-mai hai derina kalisa mast

har gosha-e-hasti mein sad-rang ki mahfil hai

har saz-e-azal naghma har lahn masiha mast

jo jam-e-azal pi le phir us ko KHabar kya ho

diwar bhi raqsan hai zanjir bhi ruswa mast

jab 'ishq sada dega sab qaid se chhuTenge

har qaid ka dar wa hai har ruh ka sauda mast

KHurshid bhi hairan hai mahtab bhi hairan hai

ek chashm-e-tajalli mein har zarra sahifa mast

‘nausha’ teri mahfil mein har ruh tamasha mast

har ashk hai dariya mast har sans hai shaida mast