agar aan chashm-e-mast uski mara kar le asir aakHir

agar aañ chashm-e-mast us kī marā kar le asiir ākHir

maiñ vārūñ ’arsh-o-aflāk-o-zamīn-o-kā.ināt āḳhir

nazar aa.e tajallī jab miTā har naqsh-e-hastī ho

huvaidā ho dil-e-'āshiq meñ soz-e-mumkināt ākHir

sharāb-e-’ishq ke sāġhar pilā saaqī mujhe aisā

ki har zarra kare sajda bane ḳhud kā.ināt ākHir

ba-sad nāz-o-’ajab aa.ī vo jab rañgīñ 'abā pahne

bichhā dī raah meñ maiñ ne matā’-e-kā.ināt āḳhir

ye vo manzil nahīñ saaqī jahāñ zanjīr-e-'aql aa.e

yahāñ jo Duub kar niklā use miltī najāt ākHir

tirī zulfoñ kī har laT meñ chhupe asrār haiñ kitne

ki har 'ambar fazā kartī hai bād-e-kā.ināt ākHir

jo dariyā Dūbne vaale unheñ sāhil kī ḳhvāhish kyā

yahāñ bas ek tūfāñ hai vahāñ haiñ mo’jizāt ākHir

ḳhudā-yā vasl kī lazzat dikhā de aañkh ko aisī

ki har manzar meñ ho jalva tire husn-o-sifāt āḳhir

yahī dīvāngī ‘naushā’ yahī rāz-e-haqīqat hai

ki jo hai 'ishq meñ gum yaañ vo paatā hai najāt ākHir

agar aan chashm-e-mast us ki mara kar le asir aakHir

main warun ’arsh-o-aflak-o-zamin-o-kainat aaKHir

nazar aae tajalli jab miTa har naqsh-e-hasti ho

huwaida ho dil-e-'ashiq mein soz-e-mumkinat aakHir

sharab-e-’ishq ke saghar pila saqi mujhe aisa

ki har zarra kare sajda bane KHud kainat aakHir

ba-sad naz-o-’ajab aai wo jab rangin 'aba pahne

bichha di rah mein main ne mata’-e-kainat aaKHir

ye wo manzil nahin saqi jahan zanjir-e-'aql aae

yahan jo Dub kar nikla use milti najat aakHir

teri zulfon ki har laT mein chhupe asrar hain kitne

ki har 'ambar faza karti hai baad-e-kainat aakHir

jo dariya Dubne wale unhen sahil ki KHwahish kya

yahan bas ek tufan hai wahan hain mo’jizat aakHir

KHuda-ya wasl ki lazzat dikha de aankh ko aisi

ki har manzar mein ho jalwa tere husn-o-sifat aaKHir

yahi diwangi ‘nausha’ yahi raaz-e-haqiqat hai

ki jo hai 'ishq mein gum yan wo pata hai najat aakHir