allah-re faiz ek jahan mustafid hai

allāh-re faiz ek jahāñ mustafīd hai

har mast mere pīr-e-muġhāñ kā murīd hai

vaa.iz abas ye zikr-e-azāb-e-shadīd hai

ik tauba qufl-e-rahmat-e-haq kī kalīd hai

vahshat ne ham ko jāma-e-ḳhākī pahnā diyā

ai aql ab ye kaahe kī qat-o-burīd hai

ai rah-ravān-e-jāda-e-ulfat baḌhe chalo

ye kis ne kah diyā hai ki manzil ba.iid hai

kyūñ-kar na qurb-e-haq kī taraf dil mirā kījiye

gardan asīr-e-halqa-e-habl-ul-varīd hai

ab jām-e-jam kī mujh ko zarūrat nahīñ rahī

vo dil milā hai jis meñ do-ālam kī diid hai

vallail hai ki zulf-e-muammar huzūr kī

ye rū-e-pāk hai ki kalām-e-majīd hai

halkī sī ik ḳharāsh hai qāsid ke halaq par

ye ḳhat javāb-e-ḳhat hai ki ḳhat kī rasīd hai

ḳhanjar-ba-kaf vo kahte haiñ ab aa.e sāmne

kis ko ḳhayāl-e-vasl hai armān-e-dīd hai

mujh ḳhasta-dil kī iid kā kyā pūchhnā huzūr

jin ke gale se aap mile un kī iid hai

tū dekhe aur bande pe tere azaab ho

yā-rab ye terī shān-e-karam se ba.iid hai

shīshe kā mo'taqid hai irādat hai jaam se

kis pīr-e-mai-farosh kā 'bedam' murīd hai

allah-re faiz ek jahan mustafid hai

har mast mere pir-e-mughan ka murid hai

waiz abas ye zikr-e-azab-e-shadid hai

ek tauba qufl-e-rahmat-e-haq ki kalid hai

wahshat ne hum ko jama-e-KHaki pahna diya

ai aql ab ye kahe ki qat-o-burid hai

ai rah-rawan-e-jada-e-ulfat baDhe chalo

ye kis ne kah diya hai ki manzil baid hai

kyun-kar na qurb-e-haq ki taraf dil mera kijiye

gardan asir-e-halqa-e-habl-ul-warid hai

ab jam-e-jam ki mujh ko zarurat nahin rahi

wo dil mila hai jis mein do-alam ki did hai

wallail hai ki zulf-e-muammar huzur ki

ye ru-e-pak hai ki kalam-e-majid hai

halki si ek KHarash hai qasid ke halaq par

ye KHat jawab-e-KHat hai ki KHat ki rasid hai

KHanjar-ba-kaf wo kahte hain ab aae samne

kis ko KHayal-e-wasl hai arman-e-did hai

mujh KHasta-dil ki id ka kya puchhna huzur

jin ke gale se aap mile un ki id hai

tu dekhe aur bande pe tere azab ho

ya-rab ye teri shan-e-karam se baid hai

shishe ka mo'taqid hai iradat hai jam se

kis pir-e-mai-farosh ka 'bedam' murid hai