واعظ تیرے لیے تیرا ایماں ہے زندگی

واعظ تیرے لیے تیرا ایماں ہے زندگی

میرے لیے تو جلوۂ جاناں ہے زندگی

اک جنبش نگاہ کی مہماں ہے زندگی

ساقی تیری نگاہ میں پنہاں ہے زندگی

ہنس کرکے دیکھنا تیرا چلمن سے جھانک کر

اتنی سی بات پر میری نازاں ہے زندگی

اے جانِ نو بہار سکونِ دل و جگر

گر تو نہیں تو بے سر و ساماں ہے زندگی

بن ٹھن کے کس طرح سے وہ نکلے ہیں گھر سے آج

ہر اک ادائے دوست پہ قرباں ہے زندگی

اے یادِ یار کیوں نہ مجھے دل میں بٹھاؤں

تیرے بغیر بس میری ویراں ہے زندگی

ہو جائے اے امیرؔ جو اپنے نصیب میں

مستی بھری نگاہ کا پیگاں ہے زندگی