aalam mein har ek us ka shaida nazar aata hai

'ālam meñ har ik us kā shaidā nazar aatā hai

us tuur kā har zarra muusā nazar aatā hai

bande kī ma'iyyat meñ maulā nazar aatā hai

qatre kī haqīqat meñ dariyā nazar aatā hai

dariyā ke tajassus meñ pyāsā hī nahīñ hairāñ

dariyā bhī to pyāse kā shaidā nazar aatā hai

anvār-e-nabī dekho allāh kī āñkhoñ se

bandoñ kī nigāhoñ meñ banda nazar aatā hai

ai dair-o-haram vaalo dekho nazar-e-haq se

dil-e-kāfir momin kā ka.aba nazar aatā hai

gar ġham se laboñ par dam aayā hai mubārak ho

vo dekh koī hamdam aatā nazar aatā hai

kisī tarah nazar aa.e vo parda-nashīñ 'amjad'

har parda ke ba.ad aur ik parda nazar aatā hai

'alam mein har ek us ka shaida nazar aata hai

us tur ka har zarra musa nazar aata hai

bande ki ma'iyyat mein maula nazar aata hai

qatre ki haqiqat mein dariya nazar aata hai

dariya ke tajassus mein pyasa hi nahin hairan

dariya bhi to pyase kā shaida nazar aata hai

anwar-e-nabi dekho allah ki aankhon se

bandon ki nigahon mein banda nazar aata hai

ai dair-o-haram walo dekho nazar-e-haq se

dil-e-kafir momin ka kaba nazar aata hai

gar gham se labon par dam aaya hai mubarak ho

wo dekh koi hamdam aata nazar aata hai

kisi tarah nazar aae wo parda-nashin 'amjad'

har parda ke baad aur ek parda nazar aata hai