sham aiwan-e-jahan tere siwa koi nahin

sham' aivān-e-jahāñ tere sivā koī nahīñ

vāris-e-kaun-o-makāñ terā sivā koī nahīñ

zīnat-e-'arsh-e-'ulā-o-raunaq-e-bustān-e-dahr

zeb sadr-e-lā-makāñ terā sivā koī nahīñ

chāra-gar fariyād-ras mushkil-kushā ġhurbā-navāz

dast-gīr be-kasāñ tere sivā koī nahīñ

bā'is-e-ārām-e-dil taqviyat-e-har-kHās-o-'ām

rūh-e-'ālam jān-e-jāñ tere sivā koī nahīñ

'ālam-e-sirr-e-kHafī bīnand-e-ā'māl-e-ḳhalq

vāqif-e-rāz-e-nihāñ tere sivā koī nahīñ

mālik-e-har-juzv-o-kul farmā-ravā zī-martabat

māh-e-sipihr-e-'izz-o-shāñ tere sivā koī nahīñ

'aughaT' hai be-kas is qadar hasrat hai jis kī chāra-gar

ġham-ḳhvār zer-e-āsmāñ tere sivā koī nahīñ

sham' aiwan-e-jahan tere siwa koi nahin

waris-e-kaun-o-makan tera siwa koi nahin

zinat-e-'arsh-e-'ula-o-raunaq-e-bustan-e-dahr

zeb sadr-e-la-makan tera siwa koi nahin

chaara-gar fariyaad-ras mushkil-kusha ghurba-nawaz

dast-gir be-kasan tere siwa koi nahin

ba'is-e-aram-e-dil taqwiyat-e-har-kHas-o-'am

ruh-e-'alam jaan-e-jaan tere siwa koi nahin

'alam-e-sirr-e-kHafi binand-e-a'mal-e-KHalq

waqif-e-raaz-e-nihan tere siwa koi nahin

malik-e-har-juzw-o-kul farma-rawa zi-martabat

mah-e-sipihr-e-'izz-o-shan tere siwa koi nahin

'aughaT' hai be-kas is qadar hasrat hai jis ki chaara-gar

gham-KHwar zer-e-asman tere siwa koi nahin